web counter
LEXO PA REKLAMA!

SHKARKO APP

App Store
Google Play

E fundit!

x

“Njëherë portokall me Ramën, njëherë pica me Veliajn”/ Shehi: Ja çfarë mendoj për kandidatin e opozitës për Tiranën

21 Tetor 2025, 10:51, Politikë CNA

“Njëherë portokall me Ramën, njëherë pica me

Politikani Dashamir Shehi ndau mendimin e tij lidhur me kandidatin e mbështetur nga opozita për Bashkinë e Tiranës, Florjan Binaj.

I ftuar në "A2CNN", Shehi tha se priste që opozita të bënte një zgjedhje më të mirë për garën për kryeqytetin.

Shehi shtoi se kandidati për Bashkinë e Tiranës që përfaqëson opozitën duhet të jetë një figurë që përbashkon të gjithë kahun.

“Me të thënë të drejtën s’jam i kënaqur me zgjedhjet që ka bërë opozita. Atë që është opozitar, votën, mirë apo keq, atje s’mund të votoj për palën tjetër për motive shumë më të thella. Por s’jam i kënaqur. Mendova që do të bëjnë një zgjedhje më të mirë. Sepse kur investohet për Bashkinë e Tiranës investohet me idenë që janë njerëz që do të lënë gjurmë politike nga mbrapa.

S’më duket fort e ndershme. Sepse ky njeri mirë, keq, duhet të jetë dikush që do të na përbashkojë. Edhe po u humbën zgjedhjet, larg qoftë, do ta ngrejë rezultatin e Tiranës. Kjo s’është për të kaluar radhën. Ka të tjerë që nesër do të më shajnë e thonë ç’thotë ky, por unë po them atë që mendoj. Absolutisht, ai djali mund të jetë i mrekullueshëm, por për punën e vet, për zanatin e vet, por nuk është për këtë punë ai.

Kjo punë, ku e di unë, njëherë portokall me Edi Ramën, njëherë pica me Veliajn, e këto gjëra, tani ta thashë Tirana meriton pak më shumë. Nuk është se opozita s’i kishte njerëzit. Por nëse ti e quan eksperiment, s’më duket shumë serioze për zgjedhjet. Nuk e kam për humorin, ai është zanat shumë serioz. Uroj që inshallah mbledh maksimumin e votave, por kam frikë se do thonë kemi defektet tona, por do t'i përmirësojmë”,-tha Shehi./CNA





Lajmet e fundit nga