web counter
LEXO PA REKLAMA!

SHKARKO APP

App Store
Google Play

Nga Porti i Durrësit në DPSHTRR/ Bajraktari: Të ofrojmë shërbim efikas, të shpejtë dhe transparent

29 Tetor 2025, 11:20, Politikë CNA

Nga Porti i Durrësit në DPSHTRR/ Bajraktari: Të ofrojmë

Drejtoria e Përgjithshme e Shërbimeve të Transportit Rrugor(DPSHTRR), duke nisur nga kjo e mërkurë, ka në krye drejtuesin e ri Kreshnik Bajraktari.

Në fjalën e tij, Bajraktari u shpreh se drejtimi i këtij institucioni është i rëndësishëm, pasi lidhet me nevojën e përditshme për shërbime nga qytetarët.

Bajraktari ndau gatishmërinë për të vijuar synimet e deritanishme të DPSHTRR-së, për shërbime të shpejta, efikase dhe transparente.

“Për mua është një privilegj i madh që po marr drejtimin e institucionit më të rëndësishëm sa u përket shërbimeve të transportit rrugor. Është një institucion shumë i rëndësishëm për qytetarët. Jam i vetëdijshëm për peshën e kësaj detyre, edhe me mbështetjen e ministrisë dhe bashkëpunimin e stafit të DPSHTRR. Për të ofruar shërbime cilësore, efikase, të shpejta dhe me transparencë të plotë. Të lehtësohet jeta e qytetarëve përmes shërbimeve të shpejta. Duke e lidhur edhe me formimin tim si inxhinier, shpreh dëshirën për të punuar me përkushim, për të shpërblyer këtë besim përmes punës”,-tha Bajraktari.

Para marrjes së kësaj detyre, Bajraktari ka pasur postin e drejtorit të Portit të Durrësit./CNA

 





Lajmet e fundit nga