web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria po negocion njëkohësisht 31 fusha politike"/ Kuko: S'jemi më dhoma e pritjes së BE-së, por thellësi strategjike

28 Tetor 2025, 19:02, Politikë CNA

"Shqipëria po negocion njëkohësisht 31 fusha politike"/

Deputetja e Partisë Socialiste Romina Kuko në fjalën e saj në takimin e 20-t i Komitetit Parlamentar të Stabilizim-Asociimit Shqipëri-Bashkimi Europian tha se Shqipëria po negocion njëkohësisht 31 fusha poltike dhe po përafron legjislacionin me BE-në.

Kuko tha se përputhja e politikës së jashtme dhe sigurisë është 100%, jo për statistikë, por është një zgjedhje politike dhe morale.

Deputetja Kuko tha se Shqipëria nuk është më dhoma e pritjes të Bashkimit Europian, por thellësia strategjike e unionit.

"Po flas para jush jo vetëm si shqiptare, por edhe si një europiane që beson se Bashkimi Europian është më i fortë kur premtimi i tij shkon në çdo cep të kontinentit. Ky është një moment reflektimi për rrugën që kemi bërë bashkë dhe për përgjegjësinë që ndajme për ta çuar këtë proces drejt përfundimit deri në integrimin e plotë të Shqipërisë në Bashkimin Europian.

Shqipëria sot ndodhet në fazën më të pjekur të udhëtimit në Bashkimin Europian, që në Konferencën e Parë Ndërqeveritare kemi hapur 5 nga 6 grupkapitujt e negocitave duke përfshirë këtu: Themeloret, Tregun e Brendshëm, Konkurrencën, Agjendën e Gjelbër, Politikën e Jashtme si dhe grupkapitulli i 6-ë për Bujqësinë dhe Kohezionin pritet të hapet deri në fund të vitit.

Shqipëria po negocion njëkohësisht 31 fusha poltike dhe po përafron legjislacionin që nuk janë thjesht përmbushje kërkesash, por ndërtim i një kulture qeverisjeje që e sheh veten si pjesë e hapësirës Bashkimit Europian. Përputhja e politikës së jashtme dhe sigurisë është 100%, jo për statistikë, por është një zgjedhje politike dhe morale.

Duke pasur një konflikt brenda kontinentit Shqipëria ka qëndruar krah Bashkimit Europian në çdo qëndrim, në çdo sanksion, sepse zëri i Europës duhet të jetë i bashkuar sidomos kur vlerat e saj sfidohen. Kemi dëshmuar se nuk jemi vetëm përfitues, por edhe kontribuues në stabilitetin rajonal. Si anëtarë të Këshillit të Sigurisë së OKB-së, në periudhën 2022-2023 Shqipëria foli me zërin e Europës, në Procesin e Berlinit  ishte bashkëderjtuese në Tregun e Brendshëm Rajonal.

Në Samitin e Komunitetit Politik treguam se Ballkani Perëndimor nuk është më dhoma e pritjes së Europës por thellësia e saj strategjike sepse Ballkani Perëndimor është pika kulmore, shprehja përfundimtare, rajoni ynë nuk është në cep, por në zemër të kontinentit.

Integrimi nuk është bujari, por përmbushja e vetë Europës", deklaroi Kuko./CNA

 

 

 

 

 

 

 

 

 





Lajmet e fundit nga