web counter
LEXO PA REKLAMA!

SHKARKO APP

App Store
Google Play

E fundit!

x

“Turp për drejtësinë ndërkombëtare”/ Rama: Ata që e shohin Thaçin si armik, pas disa vitesh do t'u harrohet emri

28 Tetor 2025, 10:53, Politikë CNA

“Turp për drejtësinë ndërkombëtare”/ Rama:

Kryeministri Edi Rama ka reaguar sot lidhur me përballjen në Gjykatën e Hagës të ish-krerëve të UÇK-së.

Përmes një postimi në rrjetet sociale, Rama e cilëson këtë proces si një turp të drejtësisë ndërkombëtare.

Rama shkruan se ata që e shohin dhe trajtojnë ish-presidentin e Kosovës Hashim Thaçi si armik politik, e urojnë të mos dalë më kurrë prej aty, pas disa vitesh emri i tyre do të jetë harruar.

“A nuk është e tmerrshme ta mendosh se shpëtimtarët e një kohe kur vetë ekzistenca e Kosovës ishte në tehun e thikës së gjatë të padrejtësisë historike ndaj shqiptarëve, duhet të paraqiten para një gjykate të dalë krejt nga objekti për të cilin u ngrit, për të dëshmuar se lufta për liri nuk është krim, se rebelimi ndaj një diktature nacional-socialiste nuk është faj, se shteti i ri e sovran i Kosovës nuk ka dalë nga barku i një ndërmarrjeje kriminale, po nga gjaku i një ushtrie çlirimtare?!

Çfarë turpi për drejtësinë ndërkombëtare dhe edhe më zi për shqipsharësit digjitalë, tifozë të verbuar prej budallakisë kinse patriotike, që edhe mbrapa hekurave të kësaj padrejtësie ulëritëse, e shohin dhe trajtojnë Hashim Thaçin si armik politik, e urojnë të mos dalë më kurrë prej aty; ndërkohë që kur atyre t’u jetë harruar nami e nishani dhe asaj gjykate t’i ketë mbetur vetëm njolla e turpit të historisë, emri i Hashimit do të mbetet përgjithnjë si emri i njeriut që u bë njësh me fatin, lirinë dhe pavarësinë e Kosovës”,-shkruan Rama./CNA 

 





Lajmet e fundit nga