web counter
LEXO PA REKLAMA!

SHKARKO APP

App Store
Google Play

"Krimi ndaj gjyqtarit u glorifikua, kjo është alarmuese"/ Gjiknuri: Të bashkëpunojmë për Kodin e Ri Penal

27 Tetor 2025, 16:38, Politikë CNA

"Krimi ndaj gjyqtarit u glorifikua, kjo është alarmuese"/

Sekretari i Përgjithshëm i Partisë Socialiste, Damian Gjiknuri në fjalën e tij në Kuvend tha se vrasja e gjyqtarit Astrit Kalaja është alarmante për faktin se një pjesë e njerëzve u ekzaltuan dhe u glorifikua krimi.

Gjiknuri tha se Kuvendi nuk mund të mjaftohet vetëm me retorikë boshe dhe se drejtësia si mollë sherri u bën qytetarëve një shërbim të keq.

 

"Çështjet e drejtësisë, zbatimi i reformës janë thembra e Akilit e sistemit të drejtësisë.

Vrasja e gjyqtarit u denua por u vu re një cinizëm dhe glorifikim i krimit, kjo është alarmuese për ne si ligjvënës.

Kuvendi nuk mund të mjaftohet me retorikë boshe dhe nuk duhet të rrimë duarkryq vetëm se drejtësia është e pavarur.

Duhet krijuar një marrëdhënie bashkëpunimi dhe duhet bashkëpunim me të gjitha forcat, duhet të miratohen njëzëri rezolutat e miratuara.

Kthimi i drejtësisë në mollë sherri është shërbim negativ që i bëhet qytetarëve. Në këtë rezolutë paraqiten rekomandime me vlerë, është për t’u përshëndetur implementimi i TIK-ut në gjyqësor, por edhe IA do të optimizojë shërbimet"

Gjiknuri u bëri thirrje institucioneve të drejtësisë që të bashkëpunojnë për Draftin e Kodit të Ri Penal dhe të lënë mënjanë debatet për autorësinë e tij.

"E tillë është edhe përpjekja për ndryshimin e Kodit Penal, debati është i shëndetshëm dhe duhet të vijë në radhë të parë nga përdoruesit e vetë sistemit. U bëj thirrje palëve të lëmë mënjnanë debatet për autorësinë dhe të punojmë ngushtësisht me vendimmarrësit për ligjet e duhura që i përshtaten dhe i qëndrojnë kohës", tha Gjiknuri./CNA

 





Lajmet e fundit nga