web counter
LEXO PA REKLAMA!

SHKARKO APP

Irena Gjoka nuk deklaroi dënimin në Greqi/ Çela: Përbën vepër penale dhe ka sanksione për këtë çështje

27 Tetor 2025, 14:06, Politikë CNA

Irena Gjoka nuk deklaroi dënimin në Greqi/ Çela:

Kryeprokurori Olsian Çela u është përgjigjur në Kuvend pyetjeve të drejtuara nga deputeti i PD-së, Ivi Kaso, në lidhje me çështjen e gjyqtares Irena Gjoka, e cila është dënuar në Greqi dhe nuk e ka deklaruar para vetingut.

Çela tha se çështja përbën vepër penale dhe si rrjedhojë ka sanksione penale.

"Kjo çështje u trajtua edhe gjatë raportimit në Komisionin e Ligjeve, po, përbën vepër penale. Janë 13 raste që u kemi referuar prokurorive sa i përket deklarimit të rremë në formularin e dekriminalizimit. Ka sanksione penale sa i përket kësaj çështjeje. Në përfundim të verifikimit të rezultatit ia dërgojmë organit kompetent që merret më pas me sanksionet e subjektit që ka bërë deklarimin", tha Çela. 

Sa i përket afatit të procesit të hetimit, Çela tha:

"Ky proces nuk ka afat. Afati zgjatet 3 muaj sa herë ka nevojë për të përfunduar verifikimi. Përgjigjet e letërporosive nuk janë në dorën tonë, varen nga autoritetet e huaja.

Sa i përket komunkimit për verifikimin është kërkuar nga KLGJ. Kemi pasur komunikim me SPAK-un duke i dërguar materiale për rastin.

Prokuroria e Përgjithshme është përpjekur të bëjë transparencë të plotë, kushdo të ketë nevojë të marrë informacion informacioni do të përcillet”, tha Çela./ CNA





Lajmet e fundit nga