web counter
LEXO PA REKLAMA!

SHKARKO APP

App Store
Google Play

Drejtori i ri i Portit të Durrësit/ Ministrja Balluku konfirmon në detyrë ish-ministrin e qeverisë Kurti

28 Tetor 2025, 10:37, Politikë CNA

Drejtori i ri i Portit të Durrësit/ Ministrja Balluku konfirmon

Ministrja e Energjisë dhe Infrastrukturës, Belinda Balluku, ka konfirmuar si drejtor të Portit të Durrësit, Liburn Aliun, ish-ministër i Mjedisit dhe Infrastrukturës në Kosovë.

Balluku u shpreh gjatë fjalës së saj në prezantimin e drejtorit të ri se Aliu është një person që Kosovën dhe Shqipërinë i ka parë si një treg i përbashkët i zhvillimit ekonomik.

Ministrja theksoi se Porti i Durrësit është porti i të gjithë shqiptarëve dhe porta hyrëse në Ballkanin Perëndimor.

"Porti i Durrësit ai në Porto Romano do të vazhdojë të jetë motori ekonomik. Prandaj drejtimi duhet të jetë në duar të mira dhe profesionale. Kreshnik Bajraktari do të marrë një tjetër detyrë që do ta shpallim në ditët në vijim. Kemi qenë kolegë qeverie, dhe padyshim një koleg i mirë i cili Kosovën dhe Shqipërinë i ka parë si një treg i përbashkët i zhvillimit ekonomik. Bëra një bisedë më Liburnin dhe e pyeta nëse do kishte interes të kontribuonte për Shqipërinë. Ju duk një propozim interesant dhe kështu që këtë propozim e çova te kryeministri. Edi Rama ka punuar me pasion për Kosovën dhe Shqipërinë. Liburn Aliu është më i spikaturi nga të gjithë kolegët e tjerë kosovarë me kontributin e tij për zhvillimin e Shqipërisë. Ai ka pranuar propozimin tim sepse Porti I Durrësit është porti i shqiptarëve, jo vetëm i Shqipërisë, është porta hyrëse në Ballkanin Perëndimor", tha Balluku. /CNA





Lajmet e fundit nga