web counter
LEXO PA REKLAMA!

SHKARKO APP

App Store
Google Play

E fundit!

x

"Integrimi në BE objektiv i qeverisë dhe 91% të shqiptarëve"/ Peleshi: Kuvendi do të përmbushë kriteret e përcaktuara

28 Tetor 2025, 16:49, Politikë CNA

"Integrimi në BE objektiv i qeverisë dhe 91% të

Kryetari i Parlamentit Niko Peleshi ka marrë pjesë në takimin e 20-të të Komitetit Parlamentar të Stabilizim Asocimit.

Në fjalën e tij Peleshi tha se integrimi në BE është objektivi strategjik i Shqipërisë deri në vitin 2030.

"Për mëse një dekadë, anëtarët e Parlamentit Evropian dhe të Kuvendit të Shqipërisë janë mbledhur në këtë forum për të diskutuar dhe vlerësuar zhvillimet në lidhje me procesin e reformave të Shqipërisë.

Sot, jemi krenarë teksa pranojmë, falë edhe punës së këtij komiteti, që Shqipëria gjendet sot në një pozitë shumë të fortë pasi ka hapur negociatat për pesë grupkapituj dhe po përgatitet për të hapur negociatat për grup kapitullin e fundit.

Anëtarësimi në Bashkimin Evropian mbetet objektivi kryesor strategjik i Shqipërisë. Synimi ynë është që të përfundojmë negociatat e anëtarësimit deri në vitin 2027 dhe t’deri në i bashkohemi zyrtarisht Bashkimit Evropian deri në vitin 2030. 

Jemi të përkushtuar në këtë proces ambicioz dhe kompleks, pasi jemi të vetëdijshëm për përfitimet e mëdha politike, shoqërore dhe ekonomike që anëtarësimi në BE do ti sjellë Shqipërisë dhe popullit shqiptar".

Peleshi deklaroi se integrimi nuk është vetëm objektiv i qeverisë por edhe i 91% të shqiptarëve.

"Vlen të theksohet se ky është qëllimi jo vetëm i qeverisë, por edhe i një shumice të konsiderueshme të popullsisë shqiptare, me 91% të shqiptarëve që kanë shprehur mbështetjen e tyre për anëtarësimin në BE. 

Për më tepër, rruga e Shqipërisë drejt integrimit evropian është një vizion që i kapërcen dallimet politike, të bashkuar në bindjen se integrimi evropian është rruga më e mirë për të ecur përpara për mirëqenien, sigurinë dhe stabilitetin e vendit tonë.

Ne jemi shumë krenarë për faktin që në Kuvendin e Shqipërisë ka një konsensus unanim mbi rëndësinë e anëtarësimit në BE. Të gjitha forcat politike, institucionet shtetërore dhe shoqëria civile janë të angazhuar për të çuar përpara agjendën evropiane.

Kam dëshirë ta theksoj këtë fakt pasi është e rëndësishme ta pranojmë që përgjegjësia e integrimit në BE nuk i takon vetëm qeverisë.

Ne e dimë që anëtarësimi përfshin dhe i përket Shqipërisë dhe të gjithë forcave politike, të gjithë institucioneve publike, sipërmarrjes dhe shoqërisë civile. Ky nuk është një proces që mund të udhëhiqet nga një parti politike apo një pjesë e popullsisë. Shoqëria, në të gjithë komponentët e saj, duhet përfshirë në këtë proces. 

Parlamenti është forumi që bën bashkë qeverinë dhe partitë opozitare, ndaj garanton që procesi të mos formësohet vetëm nga shumica qeverisëse, por edhe nga të gjithë zërat që përfaqësojnë shoqërinë tonë. 

Dëshiroj të theksoj që Kuvendi do të vijojë të udhëheqë procesin e integrimit, duke synuar garantimin e legjitimitetit demokratik dhe karakterin gjithëpërfshirës të procesit

Përballimi me sukses i sfidave të negociatave kërkon një rol mbikqyrës të shtuar të Kuvendit, përfshi angazhimin aktiv të Komisionit për Evropën dhe Punët e Jashtme dhe të Këshillit Kombëtar për Integrimin Evropian në procesin e negociatave. Këto organe do të luajnë një rol kyç në mbikqyrjen e ecurisë dhe sigurimin e zbatimit efektiv të kushteve të nevojshme për hapjen dhe mbylljen e kapitujve".

Kryetari i Kuvendit tha se ky institucion do të përmbushë kriteret e përcaktuara nga BE për secilin kapitull negociues si përsa i përket përafrimit të legjislacionit ashtu edhe për transparencën dhe informimin e publikut.

"Një aspekt kyç i këtij procesi është përgjegjësia e Kuvendit për të garantuar që Shqipëria të përmbushë kriteret e kërkuara nga Bashkimi Evropian për secilin kapitull negociues.

Kjo përfshin jo vetëm përafrimin e legjislacionit, por edhe zbatimin e reformave dhe standardeve të nevojshme.

Kuvendi do të vazhdojë të monitorojë nga afër ecurinë e negociatave, në bashkëpunim me grupet e interesit, organizatat e shoqërisë civile dhe aktorët e tjerë jo-politikë, për të garantuar që procesi të mbetet transparent dhe gjithëpërfshirës.

Kuvendi është gjithashtu i përfshirë fort në procesin e negociatave, veçanërisht për Kapitullin 1 “Themeloret”, i pari për të cilin u hapën negociatat dhe i fundit qe do të mbyllet.

Në këtë kontekst, do të doja të përmend që në kuadër të përmbushjes së kritereve të ndërmjetme për Grupkapitullin 1, së fundmi:

- Me nisjen e legjislaturës së re të Kuvendit, Institucionet e Pavarura po raportojnë në seancë plenare;

- Në Kuvend janë depozituar tre nisma ligjore: Projektligji “Për Barazinë Gjinore”, Projektligji “Për Parandalimin e Konfliktit të Interesit”, ndryshimet në Ligjin për Avokatin e Popullit të Republikës së Shqipërisë, të cilët do ti nënshtrohen procedurës parlamentare të shqyrtimit dhe miratimit.

Ne besojmë se informimi i publikut në lidhje me procesin e anëtarësimit në BE është shumë i rëndësishëm. Garantimi i mirë-informimit të qytetarëve jo vetëm forcon legjitimitetin demokratik të procesit, por edhe nxit një mbështetje më të gjerë të shoqërisë.

Duke ruajtur transparencën dhe duke informuar rregullisht publikun në lidhje me statusin e negociatave, sfidat e hasura dhe progresin e arritur, Kuvendi do të luajë një rol thelbësor në krijimin e besimit.

Vemendja e shtuar për komunikim të hapur do të garantojë që publiku të jetë i angazhuar dhe mbështetës ndaj hapave që po ndërmerren drejt anëtarësimit të plotë në BE.

Ndërsa sfidat e negociatave bëhen më komplekse, Kuvendi është i vendosur të forcojë kapacitetet e tij duke krijuar ekspertizë në fushat e politikave të BE-së, një ekspertizë që është thelbësore për udhëheqjen dhe monitorimin efektiv të procesit të negociatave.

Me zgjerimin e ekipit tonë të profesionistëve të kualifkuar, do të forcojmë aftësinë e Kuvendit për të adresuar sfidat e reja, për të marrë vendime të mirëinformuara dhe për të lehtësuar një proces më efikas dhe efektiv të integrimit në BE", deklaroi Peleshi./CNA

 

 

 





Lajmet e fundit nga