web counter
LEXO PA REKLAMA!

SHKARKO APP

App Store
Google Play

Mbahet sot në Tiranë sesioni i parë i takimit të Komitetit Parlamentar Shqipëri-BE

28 Tetor 2025, 11:42, Politikë CNA

Mbahet sot në Tiranë sesioni i parë i takimit të Komitetit

Këtë të martë, në Tiranë do të mbahet sesioni i parë i takimit të 20-të të Komitetit Parlamentar të Stabilizim-Asocimit: Shqipëri-Bashkimi Europian.

Ky takim dyditor mbahet në datat 28-29 tetor 2025 në kryeqytet.

Hapja e takimit do të bëhet sot, në orën 15:30, nën drejtimin e dy bashkëkryetarëve:  Taulant Balla, Kryetar i delegacionit të Kuvendit të Shqipërisë dhe Marco Tarquinio, kryetar i delegacionit të Parlamentit Europian.

Takimi do të përshëndetet nga Kryetari i Kuvendit, Niko Peleshi, Elisa Spiropali, Ministre për Evropën dhe Punët e Jashtme; Wojciech Unolt, Ambasador i Republikës së Polonisë në Shqipëri, në emër të Presidencës Daneze në detyrë të Këshillit të BE-së; Silvio Gonzato, Ambasadori i BE-së në Shqipëri, në emër të Komisionit Europian; Andreas Schider, Raportues i Përhershëm i Parlamentit Europian për Shqipërinë.

Më pas takimi do të vijojë me Sesionin e Parë, i cili do të zhvillohet në orën 17:00–19:30  dhe do të ketë për rend dite:

1.Negociatat e Anëtarësimit me Bashkimin Europian, Politika e Jashtme; Marrëdhëniet e fqinjësisë së mirë dhe Bashkëpunimi rajonal.

2.Progresi dhe sfidat në sektorin e ekonomisë, energjisë, mjedisit dhe turizmit në Shqipëri.

Të mërkurën, datë 29 tetor do të mbahet sesioni i dytë i këtij takimi të rëndësishëm./CNA





Lajmet e fundit nga