web counter
LEXO PA REKLAMA!

SHKARKO APP

App Store
Google Play

Projektligji për gjuetinë/ Korreshi: Ka mbaruar hashashi dhe është hapur rruga e çiftes

28 Tetor 2025, 12:14, Politikë CNA

Projektligji për gjuetinë/ Korreshi: Ka mbaruar hashashi dhe

Deputeti Saimir Koreshi komentoi sot projektligjin për gjuetinë.

Në fjalën e tij në Komisionin për Bujqësinë, Ushqimin dhe Zhvillimin Rural, Korreshi u shpreh se kjo nismë ligjore duhet t'u përgjigjet disa problematikave, siç është administrimi dhe aftësimi.

Korreshi ironizoi se me përfundimin e lejimit për mbjelljen e hashashit, i është hapur rrugë gjuetisë me çifte.

“Duke qenë se vij nga një vend që nuk është bujqësor, por bujqësia ka shumë problematika. Është lënë përgjegjësia te ligji. Duke qenë se është mbaruar hashashi, mendoj se është hapur rruga e çiftes. I është lënë bashkive dhe strukturave vendore që të merren me këtë. Pretendohet që ata punonjës të marrin rrogat, por sa e njohin dhe a kanë marrë ndonjëherë çiften në dorë? A ia kanë idenë këta? Se të paktën andej nga vij unë, më rezulton se vetëm marrin rrogat në bankomat. Sa i përket menaxhimit të zonave me struktura private, është lënë një vakuum interpretues, në të cilin nuk përcaktohet nëse do të jetë polici private apo çfarë tjetër do të jetë. Duhej konsultim me shoqatat e gjuetisë. Ata janë të licencuar. E njohin zonën. E ruajnë zonën, se e nisin për sport dhe nuk ka kosto shtesë”,-tha Korreshi./CNA





Lajmet e fundit nga