web counter
LEXO PA REKLAMA!

SHKARKO APP

App Store
Google Play

E fundit!

x

Rama kritikon Europën: Ka ngecur në një pozicion që përqendrohet vetëm te armatimi, jo te paqja

28 Tetor 2025, 16:12, Politikë CNA


Kryeministri Edi Rama shprehu sot një kritikë për të gjitha vendet e kontinentit të Europës. 

Në fjalën e tij në Edicionin e 9-të të Future Investment Initiative në Riad të Arabisë Saudite, Rama tha se Europa ka ngecur në një pozicion të përqendruar vetëm te armatimi dhe nuk ka një plan paqeje.

Rama tha se nuk i jep leksione Europës, por si një europian i palëkundur ndihet shumë i shqetësuar dhe i trazuar nga ky fakt.

“Sinqerisht unë besoj që ka diçka thellësisht të gabuar në faktin që ka një nxitim të përditshëm për tu riarmatosur për të menduar dhe për të folur e për të punuar për më shumë armë. Ndërkohë që nuk ka një plan paqeje që do të mund të shihje, ta lexoje dhe të mendoje për të. Një Europë që nuk ka planin e saj të paqes, një Europë e cila për vite me radhe e vuri në autopilotin e SHBA-ve dhe kur gjërat atje ndryshuan, nisi të rizbulonte fjalën armëpushim që ishte hequr nga fjalori i të gjithëve.

Ka ngecur në një pozicion që përqendrohet vetëm te armatimi. Dhe të mendosh jo për bisedim dhe për paqen është shqetësuese. Jam udhëheqësi me jetëgjatë mes atyre europianë, por nuk më takon të jap leksione, por si një europian i palëkundur ndihem shumë i shqetësuar dhe i trazuar nga fakti që fjala bërthamore është shndërruar në diçka normale në fjalor, ndërkohë që vetëm disa vite më parë, fjala nuk përdorej nga askush. Kërcënimi i nënkuptuar apo i hapur në medias sociale, i forcave të mëdha përsëritur me raketat bërthamore në kurriz është çmenduri. Kur sheh të gjithë këtë, e kupton.

Se çfarë duhet të bëjë ose jo, nuk ka lidhje me mua dhe Shqipërinë dhe në fakt është gjë e mirë se në një moment kur e dreqosin e kanë vetë barrën, ndërkohë kur kanë sukses mund të themi që jemi dhe ne pjesë”,-tha Rama./CNA

 





Lajmet e fundit nga