web counter
LEXO PA REKLAMA!

SHKARKO APP

App Store
Google Play

E fundit!

x

Nesër protestë/ Berisha: Rama ka "përlarë" ëndrrat e shqiptarëve, qytetarët të flasin me forcën e tyre

7 Shkurt 2025, 12:28, Politikë CNA

Nesër protestë/ Berisha: Rama ka "përlarë"

Kryetari i Partisë Demokratike, gjatë një takimi me aleatët në Partinë Demokratike, u ka bërë thirrje qytetarëve të dalin nesër në protestë kundër luksit të Edi Ramës, duke iu referuar intervistës së ish-zv.kryeministrit Arben Ahmetaj.

Berisha u ka bërë thirrje edhe socialistëve të papërfaqësuar nga Partia Socialiste të dalin në protestën para kryeministrisë në orën 17:00 dhe të flasin me forcën e tyre.

 

"Ftoj me këtë rast çdo qytetar shqiptar që të tregojë veten nesër në protestë kundër këtij regjimi.

Të lërë çdo gjë dhe të bashkohet me opozitën dhe opozitarizmin.

Çdo komb i civilizuar, në qoftë se do gjendej përpara dëshmive tronditëse që u gjetën shqiptarët tashmë jo nga goja e opozitës, por nga goja e bashkëpunëtorit të tij më të ngushtë, dëshmi të cilat nuk hodhën dot poshtë asnjë prej tyre, asnjë prej tyre nuk u kundërshtua dot, do derdhej në rrugë dhe maksimumi për tri ditë do kishte larë duart me çdo regjim.

Kjo është e vërteta.

Në qoftë se zëvendësi i kryeministrit fakton me dokumente se ai ka falimentuar linjën ajrore me avionin e tij taksi me 20 milionë euro udhëtime, aq sa kemi thënë edhe ne, por ai i tregoi me bilance kontabël, të qarta, të kompanisë.

Se kur ulet me një shishe verë 33 mijë euro dhe pi 200 pensione brenda dy orësh. Se kur blen një vazo 5 milionë euro në oborr për të qetësuar sytë e tij. Kur ndërton vilën 57 metra themel të gjatë, duke pasur të deklaruar gjithsej 3800 euro e 400 mijë lekë.

Për një çantë, Koreja e Jugut, një nga vendet më të zhvilluara të planetit dhe vend demokratik, dhe është sot absolutisht një nga vendet më të zhvilluara, u trondit në elektroshok se Zonja e Parë doli me çantë Dior disa mijëra euro.

Kurse ky deklaron si pa gjë të keq se biletën 28 mijë euro ma blenë të tjerat. Që detoksin i paguajnë të tjerët 10 mijë euro.

Prandaj dhe nesër është dita e qytetarëve. Nesër duhet të flasin qytetarët me praninë e tyre, me forcën e tyre në këtë protestë. Sepse ky po i poshtëron çdo ditë. Ky kudo thotë, sa më shumë vjedh, aq më shumë më votojnë.

Sepse ky i shndërron paratë e vjedhura në votë dhe votën në vjedhje. Ndaj dhe nesër është një ditë për të gjithë shqiptarët për të treguar veten tonë.

Edhe njëherë ju falënderoj shumë dhe ftojmë së bashku të gjithë qytetarët të na bashkohen, socialistë, pa parti, çfarëdo që të jenë, anëtarët e partive tona.

Ju e patë, socialistë guximtarë që nuk e ndiejnë më veten se partia është e tyre, po flasin siç mund të flisnim ne, çka do të thotë se ata janë më afër me ne se me Edi Ramën. Se ata nuk kanë qëndruar aty për t’u vjedhur në mënyrën më të papërmbajtur.

Ftojmë të rinjtë të bashkohen me ne", tha Berisha

Kreu i PD-së e konsideroi Ramën si ëndërrngrënës të qytetarëve.

"Një poet i ri, me të drejtë e ka cilësuar Edi Ramën si ëndërrngrënësi i ëndrrave të tyre.

Ti që je ulur në fron, ushqehesh me ëndrrat tona. Ëndrrën shqiptare ua përlau ky. Ikin këta, as shtëpi nuk blejnë, as punë nuk gjejnë, as gjë prej gjëje.

E tundën Beogradin të rinjtë e Serbisë dhe ky i censuron. E tundën, e jashtëzakonshme.

Ndaj dhe tiranët përmbysen.

Kështu që ftoj të gjithë shqiptarët nesër në Tiranë", e përmbulli fjalën e tij Berisha./CNA





Lajmet e fundit nga