web counter
LEXO PA REKLAMA!

SHKARKO APP

App Store
Google Play

“Ndërtues të rëndësishëm dridheshin para Mërtirit dhe Zotos”/ Xama: Kam parë dokumente

7 Shkurt 2025, 09:26, Politikë CNA

“Ndërtues të rëndësishëm dridheshin para

Gazetarja Ola Xama, në “MCN TV”, u shpreh se ndërtues shumë të rëndësishëm dridheshin para Mirel Mërtirit dhe Klodian Zotos. Ajo theksoi se kishte parë dokumente që vërtetonin se ishte ngritur një njësi e posaçme që identifikonte çdo leje ndërtimi dhe çdo gropë pallati që hapej në Bashkinë e Tiranës. Në momentin që ndërtuesit nuk lidhnin marrëveshje me “Integrated Energy”, skuadra e Mërtirit dhe Zotos lajmëronte bashkinë që t’u vendoste gjoba.

"Këtu dua të ndalem tek inceneratori. Afera me dherat në Bashkinë e Tiranës, në bashkëpunim me pronarët 'de jure' dhe 'de facto', Mërtiri dhe Zoto, e implikon kryetarin e Bashkisë së Tiranës.

Sipas burimeve konfidenciale, kam parë dokumente që e vërtetojnë, ishte ngritur një njësi e posaçme që identifikonte çdo leje ndërtimi dhe çdo gropë pallati që hapej në territorin e Bashkisë së Tiranës. Kur nuk lidhej akt marrëveshje me 'Integrated Energy', skuadra e Mërtirit dhe Zotos njoftonin bashkinë për të shkuar dhe për të gjobitur ndërtuesit.

“Ndërtues të rëndësishëm dridheshin para

Bëhet fjalë për ndërtues shumë të rëndësishëm që dridheshin para kësaj skuadre që operonte si në një shtet më vete, me çmime të vendosura të dherave sipas interesave të Mërtirit dhe Zotos, me bekimin e Bashkisë së Tiranës.

Ajo që implikon më tej Veliajn është se kompania 'Igor Electric', merrte tarifa të diferencuara. Çdo gjë ishte e organizuar, të gjitha fijet të çojnë te kryetari i Bashkisë së Tiranës. U bënë katër vjet. Nuk mund të ndodhte pa një koordinim nga lart. SPAK-u refuzon të shohë provat dhe të hetojë”, tha Xama. /CNA





Lajmet e fundit nga