web counter
LEXO PA REKLAMA!

SHKARKO APP

App Store
Google Play

“Hetim për debat politik”/ Xama për diplomën e Këlliçit: Pretendim i mediave të Veliajt

6 Shkurt 2025, 22:20, Politikë CNA

“Hetim për debat politik”/ Xama për diplomën e

Gazetarja Ola Xama në “MCN TV”, komentoi rreth hetimeve të SPAK për diplomën e shkollës së mesme të Belind Këllicit, teksa ka pretendime se ajo është falsifikuar. Xama, u shpreh se e gjitha ka nisur nga mediat pranë Erion Veliajt në kohën kur Këlliçi kandidoi për Bashkinë e Tiranës, ndërsa shtoi se ky hetim është nul dhe vlen vetëm për debat politik.

“Çështja e diplomës së Këlliçit ka nisur nga një pretendim nga mediat afër Veliajt, kur Këlliçi ishte kandidat përballë Veliajt për Bashkinë e Tiranës. Pretendohet se Këlliçi ka mbaruar vetëm 4 vite të shkollës “Harry Fultz” nga 5 vite dhe këto kredite i janë njohur në SHBA. Pretendohet për falsifikim. Në kallëzimin e Idajet Beqirit, thuhet edhe për fshehje te pasurisë.

“Hetim për debat politik”/ Xama për diplomën e

Por, kjo mund të mbetet në investigim dhe analizë të mediave, që mund të gjykohet në nivelin etik. Në nivelin penal, ky hetim nuk vlen asgjë. Vepra penale e falsifikimit dënohet maksimalisht me 3 vite dhe parashkruhet pas 5 vitesh. Janë orë të tëra pune të prokurorëve, që marrin në pyetje në lidhje me këtë hetim që në fund shkon nul dhe ushqen vetëm debatet politike. SPAK nuk është stukturë politike që të ushqejë këto debate”, tha Xama. /CNA





Lajmet e fundit nga