web counter
LEXO PA REKLAMA!

SHKARKO APP

App Store
Google Play

“Kasaforta u hap me gur fresibël”/ Lala: Dyshime të forta se Veliaj ka kryer vepër penale

6 Shkurt 2025, 21:43, Politikë CNA

“Kasaforta u hap me gur fresibël”/ Lala: Dyshime të forta

Gazetarja Klodiana Lala në “MCN TV”, theksoi Shqipëria është para fushatës zgjedhore dhe se duhet të ketë një vendim sa më të shpejtë nga drejtësia për kryebashkiakun, Erion Veliaj.

Lala, u shpreh se nga mënyra si është vepruar me Veliajn, ku kasaforta e apartamentit që është përdorur nga bashkëshortja e tij, Ajola Xoxa, lë të kuptohet se ka dyshime të forta se Veliaj ka kryer vepër penale.

“Ajola Xoxa dhe Arbër Veliaj u janë drejtuar Gjykatës së Lartë dhe kundërshtojnë kontrollet e bizneseve të tyre, Arbër Veliaj edhe të banesës. Pretendojnë se provat që ka grumbulluar SPAK nga kqyrja e telefonave të konsiderohen të paligjshme. GJL duhet ta shqyrtojë në një kohë të shpejtë. SPAK nuk e ka zbatuar të plotë vendimin për Arbër Veliaj, pasi ishte urdhëruar sekuestrimi i telefonit, por ai ka qenë jashtë vendit.

Shqipëria është përpara fushatës zgjedhore, në rastin e Veliajt, SPAK duhet të marrë vendim përfundimtar, nëse do të ketë masë sigurie apo do të pushojë çështjen. Duket sikur kontrollet e befta, sigurisht që duke zgjatur në këtë mënyrë, ne mediave na lënë të drejtën të dyshojmë se diçka po ndodh. Pra SPAK duhet të pëfundojë hetimet dhe të dalë në konkluzion.

Mënyra se si veproi SPAK, duke shkuar deri te sekuestrimi i veshjeve të zonjës Xoxa, u la të kuptohej se kishte hetim që Veliaj ishte në zgrip.

Fakti që shkohet në një apartament që pretendohet se përdoret nga zonja Xoxa, prehet me gur fresibël kasaforta, etj, pra derisa ka një perceptim të lartë se ka dyshime të arsyeshme se Veliaj ka kryer veprat penale, SPAK është i detyruar që brenda një kohe të arsyeshme të japë përgjigje. SPAK nuk mund t’i kalojë në kalenda greke, këtë qëndrim kam mbajtur edhe për zotin Berisha dhe Meta. Hetimet e zgjatura, nuk preferohen për askënd", tha Lala. /CNA





Lajmet e fundit nga