web counter
LEXO PA REKLAMA!

SHKARKO APP

App Store
Google Play

E fundit!

x

Rama: Mos merrni mësysh organizatën e hajdutëve

6 Shkurt 2025, 09:49, Politikë CNA
Rama: Mos merrni mësysh organizatën e hajdutëve
Edi Rama dhe Erion Veliaj

Kryeministri Rama, pasi qau linçimin e Erion Veliajt, duke thënë se po i cenohet familja nga mediat që denoncojnë aferat korruptive, sot e ka marrë sërish në mbrojtje nga opozita që ka zhvilluar plot 44 protesta para Bashkisë së Tiranës, pikërisht kundër kryebashkiakut për të cilin SPAK thotë se ngrihen 4 akuza në bazë të hetimeve që po kryhen, ajo e korrupsionit aktiv, korrupsionit pasiv, fshehjes së pasurisë dhe pastrimit të parave.

Sipas Ramës, opozita që proteston çdo javë kundër Veliajt është si hudhër te Bashkia e Tiranës që mos ta marrin mësysh.

“Ke shumë të drejtë, është bërë pak si modë këtu. Del një grusht njerëzish, zënë rrugën dhe pastaj tjerët duhet të presin ata të shpërndahen, ça të bëjmë tani.

Janë bërë si hudhra te Bashkia e Tiranës edhe bëjnë punën e hudhrës që të mos marrin mësysh.

Njerëz që merren me mure, u bien karrigeve, tavolinave. Ça është kjo, opozita? S’ka lidhje me opozitën, s’ka lidhje me idetë, s’ka lidhje me programin, me të ardhmen, s’ka lidhje me alternativat, është kua-kua-kua”, u shpreh Rama.

Pas kësaj deklarate të z.Rama lind pyetja, për çfarë duhet ta marrin mësysh një organizatë hajdutësh dhe kreun e drejtorëve hajdutë?

Për faktin që kanë vjedhur miliona lekë nga taksat e shqiptarëve të varfër?

Që kanë abuzuar dhe shpërdoruar detyrën?

Që e kanë kthyer Bashkinë e Tiranës në një gropë korrupsioni, zinxhiri komandues i një institucioni ku shumica e tyre kanë përfunduar prapa hekurave?

Nga se ka frikë kryeministri se mos e marrin mësysh Erion Veliajn, për faktin që është nën hetim pasuror, apo se SPAK-u thotë se ka akuza për 4 vepra penale të rënda si korrupsion pasiv, korrupsion aktiv, pastrim parash dhe fshehje pasurie?

Apo për faktin që drejtorët hajdutë të Veliajt, sipas SPAK-ut, janë grup i strukturuar kriminal?

Faktet dhe denoncimet tashmë janë publike dhe vijimi i hetimeve nga drejtësia tregon se zullumet janë të mëdha.

Opozita është një nga denoncueset e këtyre aferave dhe ashtu siç ka deklaruar do të vazhdojë misionin dhe betejën e saj deri në largimin e Erion Veliajt dhe përballjen e tij me drejtësinë.

Aferat si inceneratorët, dosja "5D", apo shembjet te "5 Maji", shembja e teatrit, nuk mund të mbeten pa ndëshkuar./ CNA





Lajmet e fundit nga