E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

“Shqiptarët paguajnë ushqimet më shtrenjtë se italianët”/ Berisha: Ballkani i hapur në kosh!

5 Shkurt 2025, 18:20, Politikë CNA

“Shqiptarët paguajnë ushqimet më shtrenjtë se

Kryetari i Partisë Demokratike, Sali Berisha prezantoi programin e opozitës për sektorin e bujqësisë. Gjatë fjalës së tij, Berisha u shpreh se qytetarët shqiptarë paguajnë ushqimet më shtrenjtë se italianët apo gjermanët ndërsa shtoi se ndryshe ndodhte në vitet 2010-2011 pasi në atë kohë rritej prodhimi bujqësore dhe blegtoral.

“Çdo shqiptar blen sot ushqimet në dyqan me një çmim më të lartë se italiani, më të lartë se greku, më të lartë se gjermani, dhe të dashur miq, në qoftë se shihni studimin e fundit të INSTAT për çmimet në Shqipëri, çfarë ka konstatuar?

Ka konstatuar se, në vitet 2010-2011 çmimet në Shqipëri, në raport me çmimet në BE vinin në ulje, sepse rritej prodhimi, thjesht sepse rritej prodhimi bujqësor dhe blegtoral”, tha Berisha.

Ndër të tjera, Berisha theksoi se Ballkani i hapur është një projekt që do të përfundojë në kosh pasi i dha fund konkurrencës së ndershme në Ballkan.

"Ballkani i Hapur do hidhet në kosh. Ballkani i hapur shkatërroi një nga faktorët kryesorë, konkurrencën e ndershme në Ballkan.

Serbia, jo vetëm që ka një trashëgimi subvencioni shumë të fuqishme, kanë patur një sektor bujqësor të organizuar me investime shumë të mëdha, por Serbia si pjesë e tregut ruso, ish-sovjetik, është problem shumë për rajonin, ndaj dhe Shqipëria ndal çdolloj praktike të Ballkanit të Hapur që, de facto, ishte hegjemonia ekonomike, dhe jo vetëm ekonomike, e Serbisë në rajon.

Nuk ka asnjë kujdes për tokën, si e tillë, toka bujqësore nuk do mundet absolutisht, përveçse në kushtet shumë rigoroze të ligjit të preket dhe të cënohet. Ne jemi vendi me sasinë më minimale të tokës në Europë për frymë.Shqipëria është vend plot ujëra. Do bëjmë gjithçka për shumëfishimin e sipërfaqeve të vaditura, por njëkohësisht për mbrojtjen, kullimin, vaditja dhe kullimi, vaditja dhe mbrojtja nga ujërat e larta, do jetë një drejtim themelor i yni.

Ne, tokën fushore e kemi, siç dihet, shumë të pakët, por tokë pjellore kemi kudo. Nuk ka tokë pa fryt. Ajo ekziston vetëm në mendjen e atyre që e shkatërruan bujqësinë shqiptare. Kudo, kjo tokë është pjellore, është e bekuar.

Ne do bëjmë gjithçka që të shumëfishojmë drurët frutorë në të gjithë territorin e vendit nga jugu në veri. Natyrisht, këtu kam parasysh dhe vreshtat, por ulliri dhe arrorët do të jenë dominues,d he drurët frutorë tradicionalë të krahinës.

Është i drejtë qendrimi ynë në këto dy lloje, ndaj ullirit dhe arrorëve. Këto kanë treg, janë treg i garantuar në tërësinë e tyre dhe ndonëse potenciali i ullirit mund të shkojë gjer në 50 mln rrënjë, i arrorëve mund të shkojë dyfishi i tyre, dhe ne nuk tërhiqemi nga këto projekte. Do bëjmë gjithçka të transformojmë Shqipërinë me këto projekte", tha Berisha. /CNA