web counter
LEXO PA REKLAMA!

SHKARKO APP

App Store
Google Play

Pensionet/ Rama: Kockë e vështirë për t'u gëlltitur, s’veprojmë dot pa një plan afatgjatë

5 Shkurt 2025, 09:41, Politikë CNA
Pensionet/ Rama: Kockë e vështirë për t'u
Kryeministri Edi Rama

Kryeministri Edi Rama u shpreh se pensionet janë kocka më e vështirë për t'u gëlltitur nga një qeveri. Në konferencën ndërkombëtare për reformën në sistemin e pensioneve në Shqipëri, Rama tha se nuk mund të veprojnë pa pasur një plan dhe vizion afatgjatë pasi nëse do të veprojnë në këtë pikë do të ishte fatale dhe do të kishte të njëjtat pasoja dhe dëme si në të shkuarën.

“Pensionet, kocka më e vështirë për t'u gëlltitur për një qeveri ku kushtet demografike nuk janë në favor për ecurinë normale të këtij sistemi. Ka qenë një rrugë e gjatë nga e cila kemi mësuar jo pak. Sot jemi një vend tjetër kemi një prodhim të përgjithshëm 2.5 më shumë se 10 vite më parë, sot është më shumë se 25 miliardë eruo. Eksporton 4-fish më shumë se 10 vite më parë.

Pa diskutim që duke mos qenë më ata të vegjlit dhe të dobëtit duke pritur për ndihmat, jemi të sfiduar që t’i përgjigjemi pritshmërisë së njerëzve.

Kishim një borxh 1.2 miliardë euro vetëm në kompaninë e shpërndarjes së energjisë.

Vetëm borxhet ndaj kompanive kalonin shumën e 400 milionë eurove dhe përgjigjja jonë ishte jo do vëmë rregull dhe do të garantojmë që të gjithë të paguajnë borxhin e energjisë.

Sot jemi në kushte të tjera dhe patjetër që e ndiejmë dhe e mirëkuptojmë dhe njëkohësisht e marrim përgjegjësinë lidhur me kërkesën e pensionistëve për të marrë pjesë në ndarjen e fryteve të reformave dhe rritjes së ekonomisë. Jemi të vetëdijshëm se do ishte fatale nëse në këtë pikë ne do të vepronim pa pasur një vizion afatgjatë dhe plan të qëndrueshëm afatgjatë se do të shkaktonin të njëjtat dëme”, tha Rama./ CNA





Lajmet e fundit nga