web counter
LEXO PA REKLAMA!

SHKARKO APP

App Store
Google Play

Reforma për pensionet/ Banka Botërore: Garantojmë mbështetjen tonë

5 Shkurt 2025, 09:35, Politikë CNA

Po mbahet sot në Tiranë Konferenca Ndërkombëtare për reformën në sistemin e pensioneve në Shqipëri.

Po diskutohet për sfidat dhe ambiciet e reformës së re të sistemit të pensioneve.

Të pranishëm janë Kryeministri Edi Rama, ministri i Ekonomisë, Kulturës dhe Inovacionit, Blendi Gonxhja, si dhe drejtoresha e Bankës Botërore për Ballkanin Perëndimor, Xiaoqing Yu.

Drejtoresha e Bankës Botërore për Ballkanin Perëndimor, Xiaoqing Yu, tha se kjo reformë është shumë e rëndësishme për vendin dhe se garantoi mbështetje të plotë nga Banka Botërore.

“Reformat e pensioneve janë të rëndësishme në çdo vend.

Politikat që bëhen sot do të ndikojnë te pensionistët e së ardhmes.

I duhet dhënë zgjidhje kësaj çështjeje.

Kjo reformë në Shqipëri ka pasur shumë shtesa në kategori.

Pensionet janë të rëndësishme për njerëzit dhe kanë ndikim makroekonomik.

Reforma 2014 ka ndihmuar ndjeshëm vendin.

Duke u mbështetur në këtë reformë, jemi në rrugën e duhur.

Banka Botërore ka mbështetur shumë reformën e sistemit të pensioneve.

Pensionet private kanë rol plotësues.

Ndryshimi në politikën e pensioneve do të këtë sukses vetëm nëse ofron mbështetje të përgjithshme.

Dua t’ju garantoj për mbështetjen tonë teknike për reformën e pensioneve”, - tha Drejtoresha e Bankës Botërore./ CNA 





Lajmet e fundit nga