web counter
LEXO PA REKLAMA!

SHKARKO APP

App Store
Google Play

“Bëji të fala Ramës”/ Shehaj: Adriatik, ne jemi shumë ndryshe! Nuk financohem nga paratë e pista

5 Shkurt 2025, 15:48, Politikë CNA

“Bëji të fala Ramës”/ Shehaj: Adriatik, ne jemi

Drejtuesi i partisë “Mundësia”, Agron Shehaj, i ka kthyer një përgjigje të ashpër Adriatik Lapajt, kryetarit të “Shqipëria Bëhet”. Ky i fundit theksoi se Shehajn qytetarët e shohin si biznesmen dhe nuk lëvizin nga vendi nëse ai nuk i paguan ata.

Por, kundëpërgjigja për Lapajn ishte e fortë teksa Shehaj u shpreh se Lapaj është pjesë e këtij sistemi të korruptuar dhe se financohet nga para të pista. 

Në fund, Shehaj fton Lapajn t’i bëjë të fala Ramës duke nënkuptuar se ai në fakt është në anën e kryeministrit, pavarësisht se në publik hiqet si një i ri në politikë duke propozuar gjoja ide të reja për ta rrëzuar Ramën.

“Adriatik, ne jemi shumë ndryshe. Unë nuk financohem nga paratë e pista, Adriatik. Unë nuk kam marrë dot pronat e mia, jo më të përfitoj nga ish-pronarët që ju keni torturuar, gjykatës të korruptuar, avokatë sekserë. Ti ke qenë dhe je pjesë e këtij sistemi, Adriatik.

Unë jam si ata qindra mijëra shqiptarë që kanë vuajtur këtë shtet të korruptuar, këtë sistem të padrejtë, atë drejtësi të korruptuar ku ke ngrënë Adriatik. Kjo është diferenca mes teje dhe meje. Unë jam i pakapshëm. Të fala Ramës, Adriatik”, mbyll reagimin e tij në rrjetet sociale, Agron Shehaj. /CNA





Lajmet e fundit nga