web counter
LEXO PA REKLAMA!

SHKARKO APP

App Store
Google Play

E fundit!

x

Rama niset për në Madrid/ Kryeministri njofton eventin e radhës që organizohet në Shqipëri

6 Shkurt 2025, 17:04, Politikë CNA

Rama niset për në Madrid/ Kryeministri njofton eventin e radhës

Kryeministri Edi Rama njoftoi në rrjetet sociale se do të udhëtojë drejt Madridit në Spanjë duke qenë se Shqipëria është përzgjedhur si vendi ku do të organizohet Kongresi Botëror i Ligjit në vitin 2027.

Rama, theksoi se Shqipëria ia doli të fitonte garën e organizimit të Kongresit Botëror të Ligjit mes shumë kandidatëve të fortë dhe demokratikë nga Kontinentë të ndryshëm.

"Procesi i përzgjedhjes ka qenë i ngushtë dhe konkurrues. Shqipëria ka marrë pjesë me kandidatë të fortë dhe historikisht demokratik nga kontinente të ndryshme.’ Kështu shkruhet në letrën e Presidentit të Shoqatës Botërore të Juristëve, profesor i të drejtës kushtetuese dhe avokat me prestigj të madh.

Duke zgjedhur Shqipërinë si vendin pritës të Kongresit Botëror të Ligjit 2027, komuniteti ndërkombëtar i ligjit dëshiron të njohë demokracinë e saj të re dhe institucionet e themeluara mbi sundimin e ligjit si garanci për dinjitetin njerëzor dhe zhvillimin për qytetarët e saj’, vazhdon ai. ‘Kongresi do të jetë një mundësi e shkëlqyer për vendin tuaj për t’i paraqitur botës përparimet e mëdha drejt një demokracie të fortë dhe respektin ndaj sundimit të ligjit'.

Rama niset për në Madrid/ Kryeministri njofton eventin e radhës

E pra, për pak ne nisemi për në Madrid për njoftimin publik të përzgjedhjes së kandidaturës së Shqipërisë për të mirëpritur Kongresin Botëror të Ligjit. Gjatë këtyre kongreseve çdo dy vjet prezantohet një çmim, çmimi i paqes dhe lirisë botërore që konsiderohet nga shumë si çmimi Nobel në ligj.

Pra Shqipëria 2027 do të jetë vendi i Samitit të NATO-s, i Europianit të Futbollit për të rinjtë dhe tani edhe i Kongresit Botëror të Ligjit. C’të them? Kush i imagjinonte këto dhe të tjera plot akoma deri disa vite më parë le të ngrejë dorën. Kongresi Botëror i Ligjit është ndër të tjera edhe një trofe i Shqipërisë në formën e konsideratës së lartë që ka krijuar vendi ynë falë reformës në drejtësi", përfundoi Rama. /CNA





Lajmet e fundit nga