web counter
LEXO PA REKLAMA!

SHKARKO APP

App Store
Google Play

“Vota e Diasporës një iniciativë e PD”/ Deputeti Baçi: Të votojnë të gjithë shqiptarët

6 Shkurt 2025, 18:31, Politikë CNA

“Vota e Diasporës një iniciativë e PD”/ Deputeti

Deputeti i Partisë Demokratike, Luan Baçi theksoi se vota e Diasporës është shumë e rëndësishme ndërsa u shpreh me bindje se emigrantët do të votojnë masivisht për opozitën.

Nga ana tjetër, Baçi nënvizoi edhe njëherë kërkesën që në zgjedhjet e 11 majit të votojnë të gjithë shqiptarët që janë në regjistra.

“Vota e diasporës është tepër e rëndësishme dhe ka qenë një iniciativë e PD-së. Ne duam që të votojnë edhe shtetasit shqiptarë, që nuk disponojnë pasaportë apo mjet identifikimi. Ka shumë shtetas shqiptarë që disponojnë një dokument të vendeve të huaja dhe janë në gjendjen civile të Shqipërisë.

Të votojnë të gjithë shqiptarët që janë në regjistrat tanë. Maxhoranca nuk e donte fare votën e diasporës. Çdo shqiptar duhet ta ketë të drejtën e votës. Shqiptarët në diasporë janë larguar nga kjo qeveri, ndaj shumica e votave dërrmuese të diasporës janë për PD-në.

PS kërkon dështimin e votës së diasporës. Ne do bëjmë denoncime për çdo rast, nëse ka abuzime në diasporë. PS përdor fondet e shtetit dhe institucionet për zgjedhjet. Ne e kemi “luftën” me PS, jemi përballë PS dhe jo PD përballë shtetit”, tha Baçi. /CNA





Lajmet e fundit nga