web counter
LEXO PA REKLAMA!

SHKARKO APP

App Store
Google Play

E fundit!

x

“Sulmi ndaj Kurtit”/ Bushati për Grenell: U soll si një kauboj rrugaç, mbron diktatorët si Vuçiç!

7 Shkurt 2025, 09:18, Politikë CNA

“Sulmi ndaj Kurtit”/ Bushati për Grenell: U soll si një

Analisti Andi Bushati, në “MCN TV”, komentoi mbi sulmin e Richard Grenell ndaj Albin Kurtit, vetëm disa ditë para zgjedhjeve të datës 9 shkurt. Bushati theksoi se Grenell u soll si një kauboj rrugaç, ndërsa shtoi se ai gjithnjë ka mbështetur diktatorët dhe se është pozicionuar në krah të Aleksandër Vuçiç-it.

“Deri sot në drekë kam qenë në Prishtinë, po të shikoje këto mjediset mikroborgjeze të Prishtinës, ka një lloj frike nga kjo deklaratë. Me këtë që themi 'obobo Amerika'. Kishte lajm tjetër sot, që 'Twitter' i Grenell është shpërndarë nga djali i Trump, pra edhe familja Trump nuk e dashka Albin Kurtin.

Tani, ne nuk e dimë, por deri tani Grenell është këshilltar special i Trump-it për Ukrainën, por ende nuk ka për Ballkanin. Ai u shfaq edhe në Venezuelë, mund ta sjellë edhe në Ballkan, por deri tani nuk ka emërim për Ballkanin.

“Sulmi ndaj Kurtit”/ Bushati për Grenell: U soll si një

Por, e zëmë se e ka. Çfarë përfaqëson Grenell? Është njeri që me mënyrën më të ndyrë të mundshme, ka mbrojtur çdo interes të Vuçiç-it në këtë rajon. Nuk po them urdhrin e flamurit në Beograd dhe interesat financiare në Beograd, apo që e kam dëgjuar për Banjskën të justifikojë aktin terrorist.

'Washingon Post' dhe 'The Guardian' e etiketojnë si një lobist diktatorësh, që merr para për të ushtruar shërbime. A duhet një personazh i tillë të na ndikojë, nuk po them ata që kishin frikë në kafetë e Prishtinës, por njerëz që kanë një aparat të të menduarit, a mund t'i frikësojë kjo?

Mendoj se si rrallëherë çështje që kanë lidhje me Shqipërinë, kur Grenell bëri grusht shteti në Kosovë, intelektualë me zë të kontinentit janë ngritur dhe i kanë denoncuar metoda si ato të Nixon në Kili.

Para se të themi efektin që do të kemi, a duhet të analizojmë këtë qëndrim dhe një rrugaçi kauboj t'i vëmë emrin? Duhet ta portretizojmë si kauboj rrugaç, që sillet në një mënyrë që nuk e lejon Konventa e Vjenës dhe as morali komun”, tha Bushati. /CNA





Lajmet e fundit nga