web counter
LEXO PA REKLAMA!

SHKARKO APP

App Store
Google Play

E fundit!

x

“Rama, sinonim i krimit”/ Berisha: Koha për frontin e gjerë opozitar

7 Shkurt 2025, 11:38, Politikë CNA

“Rama, sinonim i krimit”/ Berisha: Koha për frontin e

Kryetari i Partisë Demokratike, Sali Berisha, mbajti një takim me aleatët e Federatës së Bashkuar, ku ndër të pranishmit ishin Agron Duka dhe Tedi Blushi. Berisha i bëri thirrje çdo partie opozitare t’i bashkohej frontit të gjerë kundër kryeministrit Edi Rama. Ndër të tjera, Berisha u shpreh se Rama është sinonim i krimit dhe një e keqe e madhe, më e keqja që nga koha e diktatorit Enver Hoxha.  

“Ky takim i Federatës opozitare vjen në prag të protestës së madhe të opozitës, në të cilën populli opozitar do t’u dëshmojë shqiptarëve dhe botës se Edi Rama përfaqëson sot kreun e narkoshtetit dhe me dëshmitë tronditëse të bazuara në dokumente autentike origjinale dhe prani fizike të Arben Ahmetajt, ai është sot një delikuent madhor në krye të një organizate kriminale, të cilën ne e kemi damkosur me kohë.

Por, vetëkuptohet kur ato dëshmi vijnë me dokumente nga bashkëpunëtori i tij më i ngushtë në 10 vite, ato janë prova të pakundërshtueshme të inkriminimit të thellë të Edi Ramës.

Por, ky takim dhe kjo mbledhje është shumë e rëndësishme për konsolidimin e mëtejshëm të frontit opozitar kundër kësaj të keqe të pakrahasueshme me ndonjë të keqe tjetër që nga diktatura hoxhiste gjer sot.

Bashkimi i të gjitha potencialeve opozitare kundër Edi Ramës, kundër Rilindjes që është sot sinonim i krimit, sinonim i një regjimi që në fjalorin politik të të gjitha kohërave, ka një term: regjimit të kakistokracisë që përmbledh të gjitha të këqijat që mund t’i bëjë një pushtet një vendi.

“Rama, sinonim i krimit”/ Berisha: Koha për frontin e

Dhe në fakt, një pushtet që përzë nga vatrat e tyre 40-45 për qind të popullit në 10 vite, është më i keqi që ky popull ka njohur në historinë e tij.

Koha është për një front sa më të gjerë opozitar, ndaj dhe unë ftoj të gjitha forcat politike që e ndiejnë veten opozitë, e konsiderojnë veten opozitë, pavarësisht nga çdo kundërshti që mund të kenë njëri me tjetrin, të bashkohen në këtë front për t’u përballur me sukses me këtë të keqe që kemi përpara.

Sepse ky bashkim ka një rëndësi vendimtare.

Ka prej tyre që kanë shumë vërejtje për këtë forcë apo atë forcë, kanë vërejtje për PD-në, normale janë këto, por problemi është se nuk ka rrugë tjetër përveç bashkimit për t’u përballur me këtë të keqe që kemi përpara.

Dhe të gjitha variantet e tjera, vetëm sa pjesëtojnë fuqinë e opozitës”, tha Berisha. /CNA





Lajmet e fundit nga