web counter
LEXO PA REKLAMA!

SHKARKO APP

E fundit!

x

Ministri i Drejtësisë, Lamallari: Kodi i ri Penal do adresojë 54 direktivat e Bashkimit Europian

30 Tetor 2025, 17:42, Politikë CNA

Ministri i Drejtësisë, Lamallari: Kodi i ri Penal do adresojë 54

Ministri i Drejtësisë, Besfort Lamallari, në fjalën e tij në Kuvend, u ndal te Kodi i ri Penal pas intersimit të disa deputetëve.

Lamallari u shpreh se përmes këtij kodi të ri synohet të adresohen 54 direktivat e Bashkimit Europian, për të mbërritur në një produkt që garanton gjithëpërfshirjen dhe transparencën.

 “Unë nuk mendoj që Kodi Penal matet me numrin e dispozitave që ai ka, por në thelb matet me cilësinë dhe garancitë që ai ofron në mbrojtje të interesit publik, të qytetarëve, të ekonomisë dhe parandalimit të tendencave kriminale.

Nuk është nevoja të bëj referenca në vende të ndryshme të Bashkimit Evropian të cilat kanë Kode me 700 apo 800 dispozita, si Italia, Spanja etj. Si harmonizohen dispozitat në një Kod kjo i përket teknikës legjislative.

E rëndësishme është që ne të adresojmë 54 direktivat e Bashkimit Europian të cilat duhet të bëhen pjesë e kuadrit ligjor vendas. Dhe në fund të kemi një produkt që garanton gjithëpërfshirjen dhe transparencën”,-tha Lamallari./CNA

 





Lajmet e fundit nga