web counter
LEXO PA REKLAMA!

SHKARKO APP

App Store
Google Play

E fundit!

x

Diskutime për Kodin e ri Penal/ Lamallari: Më 5 nëntor do të zhvillohet takim me të gjithë krerët e drejtësisë

30 Tetor 2025, 14:42, Politikë CNA

Diskutime për Kodin e ri Penal/ Lamallari: Më 5 nëntor do të

Ministri i Drejtësisë, Besfort Lamallari i është përgjigjur pyetjeve të deputetëve në Kuvend, lidhur me Kodin e ri Penal. Lamallari është shprehur se disa nga institucionet e drejtësisë kanë ndarë mendimin e tyre mbi draftin.

Ai ka bërë po ashtu me dije se më 5 nëntor ka thirrur një takim me të gjithë krerët e drejtësisë për të diskutuar për Kodin e ri Penal. 

“Unë nuk mendoj që Kodi Penal apo çdo lloj kodi tjetër matet me dispozitat që ai ka, por në thelb matet me cilësitë dhe garancitë që ai ofron, për interesin publik, të qytetarëve, për ekonominë dhe krimeve të ndryshme që ndodhin. Nuk mund të pretendojmë se ne kemi më shumë paligjshmëri ose kishim paligjshmëri dhe ne nuk e dinim. Në fund do të kemi një produkt i cili garanton dhe përfshin transparencën dhe që nga 25 korrik, kur është lançuar për herë të parë ai draft, si një material shumë i mirë për të provokuar diskutim dhe që prej atëherë janë zhvilluar një sërë tryezash konsultative.

Kemi disa institucione të drejtësisë të cilat e kanë marrë shumë seriozisht këtë draft dhe kanë përcjellë dhe kanë ndarë me ne, si në tryezat e diskutimit, por edhe me shkrim mendimin e tyre. Në datën 5 nëntor unë si ministër i Drejtësisë kam thirrur një takim me të gjithë krerët e drejtësisë për të diskutuar pikërisht për Kodin Penal. Jam i bindur që në fund të ditës do të kemi një produkt i cili është më i miri dhe që do të ketë Shqipëria për vitet që do të vijnë”, tha Lamallari. /CNA





Lajmet e fundit nga