web counter
LEXO PA REKLAMA!

SHKARKO APP

App Store
Google Play

E fundit!

x

“Bashkëpunimi rajonal, e vetmja rrugë drejt BE-së”/ Rama: Me Serbinë nuk biem dakord për Kosovën, por për të tjera po

30 Tetor 2025, 10:51, Politikë CNA

“Bashkëpunimi rajonal, e vetmja rrugë drejt BE-së”/

Kryeministri Edi Rama tha se bashkëpunimi rajonal është rruga e vetme për integrimin në Bashkimin Europian. Rama tha se edhe me Serbinë, ndonëse nuk bien dakord për çështjen e Kosovës, kanë një sërë marrëveshjesh për lëvizjen e lirë të qytetarëve dhe mallrave.

Sipas tij, duke mos e bërë këtë, do rriteshin edhe më shumë tensionet në Ballkan. Më tej shtoi se kohët e fundit Europa është ballkanizuar, ndërsa tha se dy nga vendet që e tregojnë këtë janë Franca dhe Britania.

"Sa më i lumtur komshiu, aq më e lumtur shtëpia. Nëse po feston vetë sigurohu që fqinji mos të jetë duke vdekur urie. Ne kemi politika bashkëpunimi me të gjithë në rajon. Me Serbinë natyrisht kemi një problem të madh që është Kosova. Kosova për ne është një shtet me çdo të drejtë, dhe për Serbinë e disa vende të tjera nuk është. O do rrinim me kokën pas dhe të ndiznim tensione, dhe të dëmtonim ekonominë tonë, ose të thonim që nuk biem dakord për këtë, por biem dakord për disa gjëra të tjera. Bashkëpunimi rajonal është e vetmja rrugë për ne që duam të bëhemi anëtarë të BE-së. Gjatë viteve të fundit kam parë që Europa është ballkanizuar shumë. Franca tërësisht, akoma nuk ka miratuar një buxhet, kjo është një Ballkan. Edhe Britania. Tani në jemi të mirët", tha Rama. /CNA





Lajmet e fundit nga