web counter
LEXO PA REKLAMA!

SHKARKO APP

App Store
Google Play

E fundit!

x

Kaso akuzon Peleshin: Ka kryer shkelje të rënda për të mbyllur zërin e opozitës në Kuvend

30 Tetor 2025, 10:29, Politikë CNA

Kaso akuzon Peleshin: Ka kryer shkelje të rënda për të

Deputeti demokrat, Ivi Kaso, ka ndarë sot qëndrimin e tij dhe të opozitës lidhur me kërkesën e tyre për shkarkimin e kryeparlamentarit Niko Peleshi.

Në fjalën e tij në Kuvend, Kaso theksoi se kjo kërkesë nuk ka në thelb ndëshkimin e një individi, por synon rikthimin e institucionit në respektimin e Kushtetutës.

Kaso akuzoi Peleshin se ka kryer një sërë shkeljesh të rënda e të përsëritura, me qëllim mbylljen e zërit të opozitës.

“Nuk jemi në seancë me rend dite të zakonshëm, por për të adresuar dhe për t’i dhënë zgjidhje një situate të Kuvendit të Shqipërisë. Institucioni që duhet të jetë zemra pulsante e demokracisë po rrezikon të kthehet në një institucion pa zë. Kjo nuk po vjen nga ndonjë faktor i jashtëm, por nga mënyra e drejtimit nga kryetari Niko Peleshi. Ka konsumuar një sërë shkeljesh të rënda, të përsëritura, që nuk kanë pasur si qëllim dhe pasojë vetëm mbylljen e zërit të opozitës, por kanë cenuar rëndë autoritetin e institucionit që buron nga vullneti i sovranit. Është thirrje për përpjekje të përbashkët për të ndalur një rrëshqitje të institucionit. Nuk jemi për ndëshkimin e një njeriu të vetëm, por rikthimin në një institucion që respekton Kushtetutën”,-tha Kaso./CNA





Lajmet e fundit nga