web counter
LEXO PA REKLAMA!

SHKARKO APP

App Store
Google Play

Tryezë me përfaqësuesit e biznesit për draftin e Kodit të ri Penal/ Lamallari: Adresuam sfidat për krimin ekonomik

29 Tetor 2025, 19:41, Politikë CNA

Tryezë me përfaqësuesit e biznesit për draftin e Kodit

Ministri i Drejtësisë Besfort Lamallari, ministrja Delina Ibrahimaj dhe drejtori i Shkollës së Magjistraturës Arben Rakipi kanë zhvilluar një takim me përfaqësues të biznesit për draftin e Kodit të ri Penal.

Lajmin e ka ndarë ministri Lamallari, i cili shkruan se qëllimi i takimit ishte adresimi i sfidave që lidhen me krimin ekonomik.

"Bashkë me ministren e Ekonomisë dhe Inovacionit Delina Ibrahimaj diskutuam me përfaqësues të komunitetit të biznesit draftin për Kodin e ri Penal. Një tryezë e frytshme e me kontribute të çmuara nga përfaqësuesit e sipërmarrjes për të mbrojtur në radhë të parë ata vetë dhe për të adresuar më tej të gjitha sfidat që lidhen me krimin ekonomik.

Synimi ynë i qartë dhe i vetëm është të krijojmë kushtet më të mira që nismat private të zhvillohen dhe ligji të mos cënohet përmes evazionit fiskal, kontrabandës, pastrimit të parave, marrëveshjeve për fiksim çmimi apo që cënojnë rëndë konkurrencën në treg.

Besimplotë se në finale të këtij procesi gjithëpërfshirës dhe transparent ne do të çojmë në Kuvend një Kod të ri modern, të certifikuar nga Komisioni Europian, që i reziston kohës dhe që rregullon dinamikat e reja në treg", shkruan Lamallari./CNA

 

 

 

 

 





Lajmet e fundit nga