web counter
LEXO PA REKLAMA!

SHKARKO APP

App Store
Google Play

E fundit!

x

Berisha si Meta dhe Veliaj, në sulm ndaj SPAK-ut

29 Tetor 2025, 13:43, Politikë CNA


Kreu i Partisë Demokratike, Sali Berisha, ka hedhur sot sulme në adresë të Prokurorisë së Posaçme.

Gjatë fjalës së tij në mbledhjen e Grupit Parlamentar të PD-së, Berisha përsëriti emërtimin ‘SKAP’, teksa e quajti si insitucionin më të korruptuar të drejtësisë shqiptare.

Me këtë qëndrim, Berisha i bashkohet në radhë kreut të PL-së, Ilir Meta, dhe ish-kryebashkiakut të arrestuar të Tiranës Erion Veliaj, që vijojnë sulmet e tyre ndaj SPAK-ut dhe kreut të këtij institucioni, Altin Dumani.

“Ata që mbështetën këtë reformë, përpiqen tani me shpifje, mashtrime dhe forma të ndryshme të mbulojnë dështimin e tmerrshëm. Duan të mbulojnë faktin se ka një vend në planet dhe jo në mars, në të cilin marrja e vendimit të gjykatës kërkon 1200 ditë. Këtë standard e solli reforma e Sorosit e bazuar në një korrupsion të paparë. I përgëzoj kryetarët e institucioneve të drejtësisë, që patën kurajën t'u thonë shqiptarëve të vërtetën dhe të pohojnë në Parlament se shqiptarët presin 16 vite për një proces dhe se nga njëri vit në tjetrin, ky afat është shkurtuar me 16 ditë. Ata që u bënë këtë imponim shqiptarëve, nuk kanë moral. SKAP-i i partisë është aktualisht institucioni më i korruptuar i drejtësisë shqiptare. Dosjet në SKAP mbyllen kundrejt ryshfeteve. Prandaj edhe aty kthehen në turshi. Zyrtarët që kanë vjedhur qytetarët, kur u shkojnë dosjet, i mbyllin përmes ryshfetit dhe jashtë çdo lloj standardi”,-tha Berisha./CNA





Lajmet e fundit nga