E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Meta si Veliaj, sulmon SPAK-un dhe Dumanin

29 Tetor 2025, 13:16, Politikë CNA

Kreu i Partisë së Lirisë, i cili prej një viti ndodhet në burg, Ilir Meta, është në rresht me Sali Berishën dhe Erion Veliajn në sulm ndaj SPAK-ut dhe prokurorit Altin Dumani.

Në një reagim të bërë së fundi, Meta ka folur me një gjuhë intimiduese dhe fyese ndaj kreut të SPAK-ut, Altin Dumani.

Të njëjtin qëndrim ndaj SPAK-ut dhe kreut të saj mbajnë edhe kreu i PD-së, Sali Berisha, dhe Erion Veliaj, që me sulme mendojnë se mund të intimidojnë prokurorët.

Duket se kasta politike, Veliaj, Meta, Berisha, janë të gjithë bashkë kundër SPAK-ut dhe kundër kreut të tij. Pra, e gjithë kasta e korruptuar 35-vjeçare është vënë në sulm kundër drejtësisë.

"Provat amerikane të Dumanit janë si tigrat e Bangladeshit të Kimetes.

Dje u shpërnda lajmi i “madh” për të njëqindën herë në mediat e regjimit nga SPAK-u i Duman zëmekurit një natë më parë në Kuvendin e Shqipërisë se kishte mbërritur prova “amerikane” kundër Ilir Metës me letërporosi nga matanë Atlantikut.

Dua të garantoj të gjithë qytetarët shqiptarë se “prova amerikane” kundër Metës është si tigrat nga Bangladeshi që solli Kimetja, që nuk prodhojnë energji për shqiptarët.

Edhe kjo “provë” nuk prodhon dot as fakt penal dhe as fajësi për Ilir Metën.

Midis kompanisë GSIS dhe LSI ka patur një kontratë shumë të detajuar e të mirëpërcaktuar se si realizohej çdo shërbim dhe çdo pagesë dhe kjo është në dispozicion të SPAK-ut e do bëhet publike nga ne pas seancës paraprake të gjykimit.

Vija e kuqe e theksuar në këtë kontratë ishte respektimi i ligjit antikorrupsion në SHBA për të mos pranuar asnjë pagesë të parregullt.

Ndaj nëse është e vërtetë se GSIS ka pranuar pagesa nga biznesmeni shqiptaro-amerikan A.SH apo kushdo tjetër për llogari të LSI kjo i vlen vetëm drejtësisë amerikane për të proceduar kompaninë në fjalë për shkeljen e ligjeve amerikane por edhe të kontratës së nënshkruar me përfaqësuein e autorizuar të LSI në shkurt 2016.

Po kështu nëse kjo është e vërtetë edhe shtetasi A.SH e kushdo tjetër duhet të procedohet nga drejtësia amerikane për shkelje të ligjeve amerikane.

Nëse dikush nga LSI ka autorizuar shtetasin A.SH të bëjë veprime të tilla të paligjshme padiskutim që duhet të përgjigjet maksimalisht para ligjit shqiptar.

Por është e diskutueshme që unë Ilir Meta, as kam autorizuar njeri dhe as kam patur dijeni për veprime të tilla dhe kjo do të provohet në gjykatat shqiptare dhe amerikane.

Nëse prodhimi i lajmeve të tilla e ndihmon Dumanin të rregullojë frymëmarrjen e rënduar në Kuvend ia mirëkuptoj hallin, por nuk mund t’ia zgjidh dot unë.

Ai është mësuar të ngatërrojë ligjin me Maliqin, siç mund të ngatërrojë Amerikën me Bangladeshin dhe McGonigalin me Amerikën.

Verifikojini se mos letërporositë për Charles McGonigal i kanë mbetur në ishujt Azore se Hulusiu është i fortë në gjeografi.

E garantoj Dumanin se kjo histori nuk është një lojë “Kaladibrançe” dhe fundi i saj do jetë i merituar për këta mercenarë pa Atdhe dhe pa nder", shkruan Meta./ CNA