web counter
LEXO PA REKLAMA!

SHKARKO APP

App Store
Google Play

E fundit!

x

"Shqiptarët mezi gjejnë paratë për largimin nga varfëria"/Këlliçi: Rama bën udhëtime luksoze, është distancuar nga populli

29 Tetor 2025, 18:10, Politikë CNA

"Shqiptarët mezi gjejnë paratë për largimin nga

Deputeti i Partisë Demokratike Belind Këlliçi përmes një postimi në rrjetet sociale ka akuzuar kryeministrin Edi Rama për udhëtimet e shtrenjta.

Këlliçi deklaron se Rama është distancuar nga populli i thjeshtë dhe i sheh shqiptarët si qytetar të dorës së dytë.

Belind Këlliçi shkruan se Rama shëtit në forumet që organizohen nga Soros-i ndërkohë që shqiptarët po presin biletat të largohen nga vendi për shkak të varfërisë.

"Fluturimet luksoze të kryeminstrit të vendit më të varfër të Europës!

Në një kohë kur bijtë dhe bijat e shqiptarëve çdo ditë gjejnë mundësinë të presin biletën e largimit nga Shqipëria për shkak të varfërisë e pasigurisë në vend, Edi Rama gjen mundësinë të bëjë katër udhëtime me charter brenda dhjetë ditësh.

Ky luks i pakontrollueshëm dhe distancim nga populli i thjeshtë është pasojë e mentalitetit dhe politikave të tij të drejtpërdrejta.

Shqiptarët prej tij shihen si qytetarë të dorës së dytë, për t’u sunduar dhe mbajtur në distancë.

Legjitimitetin kryeministri e merr nga padronët e tij jashtë vendit, aty ku gatuhen politikat që shqiptarët i pësojnë dhe në vendimmarrjen për të cilat nuk marrin kurrë pjesë.

Jo më kot Rama shëtit në forumet e organizuar nga Sorosi, aty ku raporton për “arritjet” e tij dhe zbatimin e axhendave të organizatës Soros për Shqipërinë dhe rajonin.

Në kontekstin politik ndërkombëtar ku ndodhemi, organizata Soros është ekspozuar, diskredituar dhe shfuqizuar, duke nisur nga Shtetet e Bashkuara e më tej në Europë.

Është koha që edhe shqiptarët të presin fijet e ndikimeve të paligjshme në qeverisjen e vendit të tyre dhe të marrin në dorë fatet e veta", shkruan Këlliçi./CNA

 

 

 

 





Lajmet e fundit nga