web counter
LEXO PA REKLAMA!

SHKARKO APP

App Store
Google Play

E fundit!

x

Përmendi minatorët e Spaçit/ Muçi i kthehet Tabakut: Në 8 vite në pushtet, PD nuk u miratoi as statusin

30 Tetor 2025, 12:49, Politikë CNA

Përmendi minatorët e Spaçit/ Muçi i kthehet Tabakut:

Deputeti i Lëvzjes Bashkë, Redi Muçi, ka kritikuar sot deputeten e PD-së, Jorida Tabaku, dhe ka shprehur habinë se si përmendet një protestë minatorësh në Spaç, teksa PD në 8 vite në pushtet nuk u miratoi statusin këtyre punonjësve.

Në fjalën e tij në Kuvend, Muçi tha se PD nuk i sheh protestat që ka afër, por shpreson që ndoshta në të ardhmen kjo forcë politike të shqyrtojë problematikat e grupeve sociale.

“Sa i përket propozimit të zonjës Tabaku për futjen në rendin e ditës të çështjes që ka të bëjë me minatorët e Spaçit, unë me habi pozitive konstatoj se në Kuvendin e 2025-ës, PD po përmend fjalën minator dhe e mbështes propozimin e kësaj çështjeje. Përderisa u fol edhe për statusin e minatorit, dua të kujtoj që kur ishte 8 vjet në pushtet nuk e miratoi statusin dhe shumë mirë që e miraton për propozim. Shpresoj që të njëjtën gjë të bëjë edhe pala e mazhorancës dhe jo t'i përdorë minatorët për retorikë. Më bën habi fakti që zonja Tabaku përmendi protestën e minatorëve, por vetëm pak metra larg protestës së minatorëve, zhvillohet protesta e pensionistëve, që janë ende me pensione urie. Më habit fakti se si deputetët e PD-së nuk e vunë re protestën e pensionistëve. Uroj që si PD dhe PS të bien bashkë në konsensus për t’i shqyrtuar problematikat e këtyre dy grupeve sociale”,-tha Muçi./CNA





Lajmet e fundit nga