web counter
LEXO PA REKLAMA!

SHKARKO APP

E fundit!

x

Vetëm 10 vota pro shkarkimit të Peleshit/ Justifikohet Berisha

30 Tetor 2025, 11:34, Politikë CNA

Vetëm 10 vota pro shkarkimit të Peleshit/ Justifikohet Berisha

Kreu i Partisë Demokratike, Sali Berisha, tha sot se votimi që rrëzoi nismën e opozitës për shkarkimin e kryeparlamentarit Niko Peleshi ishte i parregullt.

Në fjalën e tij për gazetarët, Berisha u shpreh se socialistët nuk njohin asnjë procedurë dhe rregullore të Kuvendit, por veprojnë në bazë të disa urdhrave.

Berisha akuzoi se Partia Socialiste e ka kthyer Kuvendin në një kaos, ku nuk ndiqet asnjë standard europian.

“Ajo që kryeson sot nuk merrte vesh se çfarë hidhte në votim. Aty janë dy raporte, hidhen dy raportet dhe më pas bëhet votimi. Ka procedurë në rregullore, por këta nuk njohin rregullore, vetëm urdhra që marrin dhe pastaj bëjnë të paditurin. E dëgjuat Peleshin se si u përpoq me hipokrizinë më të madhe të mbrojë kolapsin e plotë parlamentar që ka krijuar. A ka ndodhur në ndonjë shtet të botës të miratohet kabineti për 28 minuta? Punë Kuvendi pati vetëm pardje. Këta e kanë shndërruar parlamentin në një klub, në të cilin nuk ka asnjë rregull, ka vetëm kaos. Këta vazhdojnë në një kaos të plotë. Flasin përçart. Dëgjoni se cili është standardi europian, në një kohë kur parlamenti ka delinkuentë sa çdo burg tjetër i vendit. Këta nuk zbatojnë asnjë ligj. Pas dy raportimeve do të votohej raporti për kryetarin e Kuvendit”,-tha Berisha./CNA

 





Lajmet e fundit nga