web counter
LEXO PA REKLAMA!

SHKARKO APP

App Store
Google Play

Votimi për Peleshin/ Balla ironizon opozitën: Erdhët me 36 vota dhe ikët me 10, gjeni ku ju kanë shkuar

30 Tetor 2025, 12:10, Politikë CNA

Votimi për Peleshin/ Balla ironizon opozitën: Erdhët me 36 vota

Kreu i Grupit Parlamentar të PS-së, Taulant Balla, ironizoi sot opozitën se nuk e di se ku i kanë ikur votat për nismën për shkarkimin e kryeparlamentarit Niko Peleshi, që nisi me 36 deputetë nga demokratët dhe përfundoi vetëm me 10 vota.

Në fjalën e tij, Balla tha se procedura ishte e rregullt dhe se demokratët mund të kishin depozituar një kërkesë mbi mënyrën e votimit të nismës nëse donin të veprohej ndryshe.

“Sa i përket kërkesës së më shumë se 36 deputetëve të opozitës për shkarkimin e kryetarit të Kuvendit, neni 114, pika 4 e rregullores e ka sqaruar se votohet kërkesa si fillim. Raportet janë relacione shoqëruese mbi bazën e arsyetimeve të elaboruara përgjatë diskutimve të frytshme në bazë të legjislacionit. Votimi bëhet i fshehtë. Nuk ka pasur kërkesë më parë nga opozita për mënyrën e votimit. Sqaroni edhe kryetarin tuaj të mos dalë në televizion dhe të flasë kot. Dezertimin tuaj, që polli vetëm 10 vota në favor të kërkesës për shkarkim. Mblidhuni që të merrni vesh nga ju kanë ikur votat. Nuk është faji ynë. Erdhët me 36 vota dhe dolët me 10 vota”,-tha Balla./CNA





Lajmet e fundit nga