E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Debate dhe ironi në Kuvend/ Balla dhe Këlliçi përplasen për drejtësinë dhe zgjedhjet lokale

30 Tetor 2025, 15:52, Politikë CNA

Debate dhe ironi në Kuvend/ Balla dhe Këlliçi përplasen

Deputeti i Partisë Socialiste Taulant Balla në fjalën e tij në Kuvend i rikujtoi opozitës presionet ndaj drejtësisë në kohën e qeverisjes së tyre.

Balla tha se kur dikush nga PD-ja kishte një çështje të gjithë shkonin në dyert e drejtësisë për presion. Kryetari i Grupit Parlamentar të Partisë Socialiste Taulant Balla tha se u vendos përfundimisht në vitin 2016 që drejtësia nuk vendoset më nga Parlamenti.

"Unë nuk e di ku e gjeni frymëzimin e të thoni se Prokuroria e Krimeve të Rënda kishte më shumë rezultate se SPAK, rezultatet flasin vetë.

Ka ndonjë copëz nga opozita që mendon ndryshe, një nga mitet që ka thyer drejtësia është që s’ka politikan mbi ligjin dhe s’ka të paprekshëm. Progresraportet 2008-2013 kishin një fjali që Shqipëria duhet të ketë një listë të politikanëve të nivelit të lartë që do të procedohen penalisht. Ku mendohej kur ishit ju në drejtimin e vendit që ministra, ish-ministra, deputetë, të dënoheshin, as nuk pranonin të shkonin para prokurorit.

Sa kanë kaluar kur në 2011 kryeministri urdhëronte policinë të mos zbatonte urdhërat për mosshoqërimin e punonjësve të Gardës?

Kemi votuar ndryshimet kushtetuese në bazë të së cilës është ngritur baza e re e drejtësisë së re.

Prandaj gjithmonë kujtoni një shprehje Jozefinë më mirë djepi bosh se shejtani brenda dhe shejtanët duheshin larguar nga drejtësia. Nuk ka një shkop magjik që mund të largojë gjithë shejtanët.

Fredi Beleri kërkoi një univeristet në gjuhën greke, por nisur nga censusi nuk e bëjmë dot.

Unë vlerësoj se KLGJ dhe KLP duhet të fokusohen te rekomandimet e Kuvendit, sepse na përsëriten të gjitha çështjet që nuk janë adresuar. Kini parasysh të thoni se pse nuk i keni plotësuar rekomandimet.

Dikur vinte dekreti i Presidentit dhe nuk dilte më fare dhe pse kishte vetëm 8 javë kohë. Në 2016 kemi rënë dakord se politika s’do të emërojë më prokurorë dhe gjyqtarë.

Flamur lum ne që ju kemi dhe mjerë ata që ju kanë, për ne të jeni kështu dhe 100 vjet. Koha kur emëroheshin nga politika dhe lobohej gjyqtari pastaj nuk ishte i pavarur. Si mund të prisje të bënte gjyqtari drejtësi kur zgjidhej nga Parlamenti?

Drejtësia nuk është e mirë kur godet në fushën e kundërshtarit dhe e keqe kur godet partinë tënde. Nga ky krah i sallës nuk do të hyjmë në çësthje të meritës së drejtësisë.

Ajo që vihet re me keqardhje është se keni të njëjtën sjellje, drejtësia është drejtësia duhet ta pranojmë.

Është epokale ajo që bënit kur kishte dikush një çështje shkonit të gjithë të drejtësia".

Balla iu drejtua Këlliçit dhe tha se kandidatit që mbështetet nga opozita Florjan Binajt i vjen turp të takohet ditën me përfaqësuesit e PD-së dhe takohet natën. Balla tha se regjinë e Binajt e bën Berisha.

"Të pashë në një fotografi bashkë me dikë tjetër, pse takoheni natën me kandidatin?

Takojeni kandidatin ditën, ka frikë të takohet me ju. Ka ndonjë buf në Tiranë që nuk e di se regjisori është Saliu.

Si ka mundësi që jeni katandisur në pikën ku kandidati ka turp të dalë me ju?

Florit të Portokallisë ja thotë Berisha në darkë ato që duhet të thotë.", tha deputeti socialist.

Deputeti i Partisë Demokratike në fjalën e tij në Kuvend iu përgjigj Ballës duke deklaruar se deri kur të caktohet data e zgjedhjeve dhe socialistët do të votojnë Florjan Binajn. Ndërsa përsa i përket presionit ndaj drejtësisë Këlliçi i kujtoi Ballës mbrëmjen e 12 shkurtit kur mbështetësit e Veliajt rrethuan SPAK-un.

"Zoti Balla mund ta bësh publike foton, nuk e di se çfarë foto ke parë. Ai sondazhi që ka dalë për Tiranën e ka bërë efektet dhe tregoi mbështetjen për kandidatin e mbështetur nga opozita. E keni të pandashme datën e zgjedhjeve me ditën e nesërme. Ju zoti Braçe duhet të jeni mbështetësi kryesor.

Edhe socialistët do të votojnë Florjan Binajn.

Ju që flisni për intimidimin e organeve të drejtësisë e keni dhënë shembullin vetëm në 12 shkurt të këtij viti ku me urdhër të banorit të fundit të Burgut të Durrësit dhe kryeministrit Rama u rrethua GJKKO, edhe pse kërkuan ndihmë nga Garda dhe Policia ndihma nuk erdhi.

Sa për drejtësinë është Irena Shpata Gjoka Maneku një delikuente", tha Këlliçi./CNA