web counter
LEXO PA REKLAMA!

SHKARKO APP

E fundit!

x

"Gjyqtari Kalaja u vra nga mllefi i akumuluar ndaj qeverisë"/ Noka: Bëni vjersha, por perceptimi ky është

30 Tetor 2025, 17:03, Politikë CNA

"Gjyqtari Kalaja u vra nga mllefi i akumuluar ndaj qeverisë"/

Deputeti i Partisë Demokratike Flamur Noka në fjalën e tij në Kuvend deklaroi se vrasja e gjyqtarit Astrit Kalaja erdhi si pasojë e urrejtjes që kanë akumuluar qytetarët ndaj qeverisë.

Noka tha se çështjet zvarriten dhe tashmë për të marrë drejtësi qytetarëve u duhet 20 vjet.

Flamur Noka tha se drejtësia ka fytyrën e gjyqtares Irena Gjoka.

"S’ka qenë kurrë drejtësia ndonjëherë që 20 vjet duhet që të nisë çështjet dhe të marrë përgjigje, maksimumi 3 vjet. Nuk ka qenë kurrë drejtësia në këtë derexhe që për një vendim gjykate duhen 1200 ditë të zbardhet. A ka qenë ndonjëherë? Jo kurrë. Edhe e politizuat edhe e asgjësuat. Këtë drejtësi keni dashur. Por këtë shqiptarët nuk e kanë dashur. Ndaj sot, mllefi ndaj sistemit e mori në qafë të ndjerin Kalaja.

Sepse është mllef ndaj jush dhe ndaj sistemit që keni ngritur ju. Bëni vjersha sa të doni, te shqiptarët perceptimi është tjetër. Sepse drejtësi me Irena Gjokën të dënuar në Greqi dhe e mbani, a nuk është drejtësi politike?

E mbani sepse ha e pi me familjarët e Kryeministrit ajo. Prandaj e mbani ju. Se i bindet partisë. Kjo është drejtësia juaj. Drejtësia që ka fytyrën e Irenës. Përse kur qenka drejtësi jo politike, por e pavarur, përse nuk e shkarkon Irenën. Çoje me vendim gjykate", tha Noka./CNA

 





Lajmet e fundit nga