web counter
LEXO PA REKLAMA!

SHKARKO APP

App Store
Google Play

E fundit!

x

Balla: Binajt ia bën regjinë Saliu, këtë e di dhe bufi/ Këlliçi: Do votohet dhe nga PS-ja

30 Tetor 2025, 16:22, Politikë CNA

Balla: Binajt ia bën regjinë Saliu, këtë e di dhe bufi/

Kreu i Grupit Parlamentar të Partisë Socialiste Taulant Balla iu drejtua deputeti të PD-së Belind Këlliçi dhe tha se kandidatit që mbështetet nga opozita, Florjan Binaj i vjen turp të takohet ditën me përfaqësuesit e PD-së dhe takohet natën. Balla tha se regjinë e Binajt e bën Berisha.

"Të pashë në një fotografi bashkë me dikë tjetër, pse takoheni natën me kandidatin?

Takojeni kandidatin ditën, ka frikë të takohet me ju. Ka ndonjë buf në Tiranë që nuk e di se regjisori është Saliu?

Si ka mundësi që jeni katandisur në pikën ku kandidati ka turp të dalë me ju?

Florit të Portokallisë ia thotë Berisha në darkë ato që duhet të thotë.", tha deputeti socialist.

Këlliçi në replikën e tij tha se derisa të vendoset data për zgjedhjet në Tiranë, Binajn do ta votojnë edhe socialistët.

"Zoti Balla mund ta bësh publike foton, nuk e di se çfarë foto ke parë. Ai sondazhi që ka dalë për Tiranën e ka bërë efektet dhe tregoi mbështetjen për kandidatin e mbështetur nga opozita. E keni të pandashme datën e zgjedhjeve me ditën e nesërme. Ju zoti Braçe duhet të jeni mbështetësi kryesor.

Derisa të përcaktohet data e zgjedhjeve edhe socialistët do të votojnë Florjan Binajn, tha Këlliçi./CNA

 

 





Lajmet e fundit nga