web counter
LEXO PA REKLAMA!

SHKARKO APP

App Store
Google Play

E fundit!

x

Meta, bashkëpunëtor i sigurimit?/ Doda: Të hiqen personat me të kaluar të errët

27 Korrik 2022, 12:41, Politikë CNA
Meta, bashkëpunëtor i sigurimit?/ Doda: Të hiqen personat me
Kryetarja e grupit parlamentar të Partisë Drejtësi, Integrim dhe Unitet, Mesila Doda

Sot gjatë një takimi me krerët e grupeve parlamentare, kryeparlamentarja Lindita Nikolla iu ka vënë në dispozicion dosjen e Autoritetit për Informim mbi Dosjet e Sigurimit të Shtetit ku thuhet se një politikan i lartë me inicialet I.M. ka qenë bashkëpunëtor i ish-Sigurimit të Shtetit.

Pas takimit, kryetarja e grupit parlamentar të Partisë Drejtësi, Integrim dhe Unitet, Mesila Doda, tha se duhet të bëhet ligj që largon të kaluarën e errët, ndërsa Nikollës i ka kërkuar që të bëjë pastërtinë e figurës për deputetët.

“Pas 32 vitesh kemi mes nesh njerëz që kanë të kaluar të errët, kjo do të thotë se është dështim i politikës shqiptare që nuk kemi ndërruar brezat dhe të sjellim njerëz të pashantazhueshëm. Besoj se është koha që në sesionin e ri parlamentar të nisë një punë e re serioze jo vetëm me propozimet e Autoritetit, por me heqjen e të gjithë personave me të kaluar të errët. Duhen bërë publik emrat, nuk vijojmë dot që të marrim me mend se kush janë. Duhet të dalin me emra. I kërkova kryetares së Kuvendit që të kërkojë pastërtinë e figurës për 140 deputetët”, tha Doda./A.E-CNA.al





Lajmet e fundit nga