LEXO PA REKLAMA!

SHKARKO APP

Mes debatesh/ Socialistët votojnë projektligjet pa opozitën

2 Shkurt 2023, 12:51, Politikë CNA

Mes debatesh/ Socialistët votojnë projektligjet pa opozitën

Seanca e sotme në Kuvend është shoqëruar me tensione dhe situate kaotike. Situatë kjo e shkaktuar nga mungesa e kryeministrit Edi Rama për interpelancë me opozitën në Kuvend.

E megjithatë kjo gjë nuk i ka ndalur deputetët e mazhorancës të miratojnë projektligjet.

Të gjitha projektligjet janë miratuar pa kaluar në debate dhe vetëm me votat e socialistëve.

Në projektligjet e rendit të ditës të hedhura në votim ishin nga ratifikimi i marrëveshjes mes Shqipërisë dhe Polonisë në fushën e mbrojtjes, te ratifikimi i marrëveshjes së bashkëpunimit Shqipëri-Maqedoni për rikthimin e ikonave të trafikuara në vendin e tyre të origjinës, e te disa ndryshime dhe shtesa në ligj “Për auditimin e brendshëm në sektorin publik”.

Projektligjet e rendit të ditës:

Miratimi i procesverbalit të seancës plenare të datës 26.1.2023, ora 10.00 – seancë e posaçme dhe ora 11.00 seanca e zakonshme. 

Interpelancë urgjente me Kryeministrin e Shqipërisë zotin Edi Rama kërkuar nga një grup deputetësh të Partisë Demokratike

Projektligj “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Polonisë, për bashkëpunimin në fushën e mbrojtjes”

Projektligj “Për ratifikimin e marrëveshjes, ndërmjet Republikës së Shqipërisë, njëra palë, dhe Bashkimit Evropian, pala tjetër, për pjesëmarrjen e Shqipërisë në mekanizmin e mbrojtjes civile të bashkimit”

Projektligj “Për organizimin dhe funksionimin e Shërbimit Përmbarimor Gjyqësor Shtetëror”

Projektligj “Për disa shtesa dhe ndryshime në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë”, të ndryshuar

Projektligj “Për informacionin e klasifikuar”

Projektligj “Për disa ndryshime në ligjin nr.9867, datë 31.1.2008, “Për përcaktimin e rregullave dhe të procedurave për tregtimin ndërkombëtar të llojeve të rrezikuara të faunës dhe të florës së egër”, të ndryshuar

Projektligj “Për disa ndryshime dhe shtesa në ligjin nr.114, datë 22.10.2015, “Për auditimin e brendshëm në sektorin publik”

Projektligj “Për ratifikimin e marrëveshjes së bashkëpunimit, ndërmjet Republikës së Shqipërisë dhe Republikës së Maqedonisë së Veriut, për rikthimin e ikonave të trafikuara në vendin e tyre të origjinës”

Projektligj “Për disa ndryshime në ligjin nr.8378, datë 22.07.1998 “Kodi Rrugor i Republikës së Shqipërisë”” (dy nisma, një e PS dhe tjetra e PD)./CNA.al

Lajmet e fundit nga