LEXO PA REKLAMA!

SHKARKO APP

Mediu, në Asamblenë Parlamentare të NATO-s/ Influenca ruse e kineze dhe terreni i tyre në Ballkan

10 Dhjetor 2022, 08:39, Politikë CNA

Mediu, në Asamblenë Parlamentare të NATO-s/ Influenca ruse e

Janë zbardhur detaje nga takimi i delegacionit shqiptar, i kryesuar nga kreu i Partisë Republikane Fatmir Mediu, në Asmblenë Parlamentare të NATO-s.

Në fokus të diskutimeve ishin zhvillimet në Ukrainë, agresioni rus si dhe pasojat që kjo luftë po krijon në Europë dhe më gjerë.

Përfaqësuesit e lartë të Pentagonit dhe Departamentit të Shtetit, shprehën qartë qëndrimin e tyre lidhur me Ukrainën dhe gatishmërinë e SHBA-së për mbështetje ndaj Ukrainës.

Asistentsekretarja Donfried dhe drejtori i lartë i Pentagonit Winternitz, shprehën se jo vetëm Rusia, por edhe Kina po shndërrohet në një kërcënim të ri.

Më tej z. Mediu tha se “vakumi i krijuar në Ballkan, ka krijuar mundësi për prezencë dhe influencë ruse, por edhe kineze, nëpërmjet iniciativës Road and Blet dhe 17+1.”.

Sakaq, kreu i këtij delegacioni, Fatmir Mediu, mori pjesë edhe në një takim në Forumin e Inteligjencës, të organizuar nga Kongresmeni Pittinger dhe Senatori Tom Tillis.

Në këtë takim në fokus ishin sfidat e sigurisë nga Rusia, Kina, Irani dhe vende të tjera.

Ish-këshilltari për sigurinë John Bolton, teksa iu përgjigj pyetjes së drejtuar nga z. Mediu se “ç’duhet të bëjë NATO lidhur me sulmet kibernetike të Iranit mbi Shqipërinë?”, u shpreh se ka ardhur koha të veprohet në bazë të artikullit nr. 5 të NATO-s, për mbrojtjen kolektive, të përcaktohet me qartë se kush quhet akt lufte.

Senatori Tillis vlerësoi qëndrimin e Shqipërisë ndaj Iranit dhe njëkohësisht deklaroi mbështetjen e Senatit ndaj Shqipërisë në këtë përballje.

Në përfundim të diskutimit mes Senatorin Tillis, Senatorin, Inhofe, Cornyn, shefat e stafit të Senatorit Rubio dhe Menendez, si dhe në bashkëpunim të ngushtë me Kongresmenët Sessions dhe Aderholt, u dakortësua që në fund të Janarit në bashkëpunim me z. Fatmir Mediu, të organizohet një forum sigurie, ku do të marrin pjesë edhe deputetët nga Europa Juglindore, ku do të diskutohet rreth influencave ruse dhe kineze, e njëkohësisht edhe për sfidat e luftës nga krimit të organizuar dhe korrupsionit në Ballkan./CNA.al

Lajmet e fundit nga