web counter
LEXO PA REKLAMA!

SHKARKO APP

App Store
Google Play

Alibeaj "rreh gjoksin"/ Do i jap emigrantëve të drejtën e votës së mohuar

9 Dhjetor 2022, 20:19, Politikë CNA
Alibeaj "rreh gjoksin"/ Do i jap emigrantëve të drejtën
Kreu i grupit të përçarësve të Partisë Demokatike, Enkelejd Alibeaj

Kreu i grupit të përçarësve të Partisë Demokatike, Enkelejd Alibeaj ka reaguar për vendimin e shpallur sot nga Gjykata Kushtetuese për të drejtën e  votës së emigrantëve.

Me anë të një statusi në rrjetet sociale, Alibeajt thotë se ky vendim është një grusht për zgjedhjet e 2021, të cilat i quan antikushtetuese.

Alibeaj “ka rrahur gjoksin”, teksa zotohet se do të ofrojë mundësinë që emigrantët të votojnë të lirë në zgjedhjet e ardhshme.

“Vendimi i sotëm i Gjykatës Kushtetuese për të drejtën e votës së emigrantëve, është një fitore e madhe për shqiptarët dhe votën e lirë në Shqipëri.

Njëkohësisht, ky vendim është një grusht për zgjedhjet e vitit 2021, të cilat me plot gojën mund të quhen antikushtetuese.

Për Partinë Demokratike, ky vendim është dëshmi e asaj që kemi thënë në krye të herës, se mohimi i të drejtës së votës së shqiptarëve që jetojnë jashtë Shqipërisë, është cënim i të drejtës kushtetuese të votës.

Gjithashtu ky vendim është dëshmi tashmë Kushtetuese, që zgjedhjet e shkuara janë një pasqyrim jo real i votës dhe rrjedhimisht janë zgjedhje të cilësuara tashmë zyrtarisht antikushtetuese.

PD e përshëndet këtë vendim dhe ofron të gjithë gatishmërinë e saj për të mundësuar që në zgjedhjet e ardhshme të drejtën e votës së mohuar për emigrantët shqiptarë. Ne jemi të angazhuar maksimalisht që në Reformën e re Zgjedhore të zbatohet vendimi i Gjykatës Kushtetuese.

PD ka qenë, është dhe do të jetë gjithmonë parti e votës së lirë, për çdo shqiptar brenda dhe jashtë Shqipërisë”, tha Alibeaj./ CNA.al





Lajmet e fundit nga