LEXO PA REKLAMA!

SHKARKO APP

Berisha kthehet 32 vite pas/ Kujton studentët e dhjetorit dhe Azem Hajdarin

8 Dhjetor 2022, 18:03, Politikë CNA
Berisha kthehet 32 vite pas/ Kujton studentët e dhjetorit dhe Azem Hajdarin
Kreu i PD-së, Sali Berisha

Kreu i PD-së, Sali Berisha, ka kujtuar lëvizjen e dhjetorit 1990, në pomovimin e librit “Midis krimeve dhe mirazheve” të shkrimtarit Besnik Mustafaj.

Gjatë fjalës së tij, Berisha përmendi studentët e dhjetorit dhe Azem Hajdarin, ndërsa theksoi se lëvizja e 32 viteve më parë ishte lëvizja demokratike më e rëndësishme në historinë e lirisë, pas pavarësisë.

“Së pari, dua të falënderoj Besnikun për ribotimin në nder të kësaj dite, të këtij libri që unë e vlerësoj si të jashtëzakonshëm.

Është ndofta që kam lexuar më shpesh, më shumë. E vlerësoj së pari si një monument të merituar, e them me bindjen më të thellë, të mrekullueshëm, madhështor të atyre studentëve dhe Azem Hajdarit që në një hark kohor shumë të shkurtër, i ngjitën nga balta e tokës në zenit.

Me aktin e tyre u mbuluan me të gjitha laurat që një popull i shtypur mund të ju jepte aty. Librat janë, nuk ka asgjë që të jenë, asnjë univers më i gjallë se libri nuk është.

Në këtë kuptim ‘Midis krimeve dhe mirazheve’ i Besnik Mustafës, është një univers i jashtëzakonshëm, i pasur me jetë, ngjarje, zhvillime nga dy botë. Një botë që po vdiste dhe një botë tjetër që po lindte, një epokë që po shkonte dhe një epokë që po vinte.

Në ato ditë, Besniku, siç e njihni vetë, i ka me kursim emocionet dhe në këtë kontekst mund të them se ishte një vëzhgues gjakftohtë i përkorshëm dhe ky pastaj të gjitha ato orë, aty koha ishte me minuta dhe orë, i ka shkrirë derdhë në ar, i ka bërë të pavdekshme, po me një realizëm dhe vërtetësi të pacenueshme.

Po të kthehemi, them se në historinë tonë, ajo ishte lëvizja demokratike më e rëndësishme dhe në historinë e lirisë, pas pavarësisë ishte lëvizja përsëri më e rëndësishme.

Unë nuk injoroj kurrsesi luftën, por gjaku që u derdh për liri, për dinjitet, solli, se historinë duhet ta themi siç është, ne kaluam nga një pushtim në një pushtim tjetër, në një diktaturë që u kushtoi shqiptarëve më shumë se në çdo regjim mizor.

Në këtë kontekst kalimi, shkëputja nga ajo diktaturë nëpërmjet kësaj lëvizje ishte i një rëndësie të jashtëzakonshme”, deklaroi ai./ B.A. - CNA.al

Lajmet e fundit nga