web counter
LEXO PA REKLAMA!

SHKARKO APP

App Store
Google Play

“Agresioni ndaj Berishës, i motivuar politikisht”/ Keltis Kruja ‘i hakërrehet’ Ramës

7 Dhjetor 2022, 19:30, Politikë CNA
“Agresioni ndaj Berishës, i motivuar politikisht”/ Keltis Kruja
Anëtari i Kryesisë së Partisë Demokratike, Keltis Kruja

Anëtari i Kryesisë së Partisë Demokratike, Keltis Kruja ka reaguar me tone të ashpra për sulmin në hyrje të protestës së djeshme ndaj kryetarit të PD-së, Sali Berisha.

Me anë të një statusi në rrjetet sociale, Kruja thotë se agresioni i djeshëm ka qenë i motivuar politikisht nga kryeministri Edi Rama.

Sipas tij, askush nuk merr përsipër të sulmojë fizikisht Sali Berishën pa garancinë e Ramës.

“Sulmi fizik që ndodhi dje ndaj liderit të opozitës, para protestës së saj, ishte padyshim i motivuar politikisht. Së pari, për të tentuar të pengohej shfaqja e realitetit shqiptar nga opozita dhe qytetarët, në sytë e liderëve europianë, e më tej për të provokuar një reagim të dhunshëm (me thënë të drejtën krejt legjitim), nga ana e protestuesve me qëllim për t’u përdorur nga Edi Rama për akuza politike. I përdoruri për këtë sulm ka pranuar se “ka zbatuar një porosi”. Po kush mund të japë porosi për të sulmuar fizikisht liderin e opozitës në këtë vend përveç Edi Ramës që merr vendime për gjithçka, kontrollon gjithçka, drejton gjithçka?! Kush “i çmendur” merr përsipër të sulmojë fizikisht Sali Berishën pa garancinë e Ramës?! Gjuha e Edi Ramës në çdo dalje të tij publike ka kohë që nxit dhunë ndaj opozitës, e thënë këtë, ai është pa asnjë dyshim inspiruesi dhe porositësi i sulmit të djeshëm!

Ps. Sa për ata që në deklaratat e tyre, ku dënonin sulmin e djeshëm, i referohen Sali Berishës si “një deputet”, më duhet t’u them që edhe kjo është një formë nxitjeje për akte dhunë ndaj opozitës”, shkruan ai./ B.A. - CNA.al





Lajmet e fundit nga