web counter
LEXO PA REKLAMA!

SHKARKO APP

App Store
Google Play

E fundit!

x

Petrit Vasili me 362 vota flet në emër të shqiptarëve/ “Të paduruar për të rrëzuar Edi Ramën”

7 Dhjetor 2022, 15:20, Politikë CNA

Petrit Vasili me 362 vota flet në emër të shqiptarëve/

Për deputeti i Partisë së Lirisë, Petrit Vasili, sulmi i djeshëm ndaj kreut të opozitës, Sali Berisha, ka qenë një provokim nga ana e kryeministrit, Edi Rama.

Sipas tij, që nga dje shqiptarët janë më të paduruar se kurrë për të larguar Edi Ramën dhe bandën e tij që janë armiqtë e vetëm të paqes.

“Edi Rama tregoi dje sesi si armik i shqiptarëve nuk ndalet para asnjë provokimi vetëm e vetëm për të shtyrë disa ditë e orë në pushtet. Rama tregoi se ështgë peng i agjendave më të errëta dhe asnjë farsë nuk e ndihmon dot. Provokimi shumë i rëndë me goditjen e liderit Sali Berisha, ishte mesazhi më i egër kundër Europës dhe kundër pluralizmit shqiptar”, ka thënë Vasili.

Vasili ka kërkuar që drejtësia të bëjë zbardhjen e plotë të ngjarjes pa u ndikuar nga Rama.

“Është momenti sot më shumë se kurrë për t’i bërë një thirrje shumë të fortë drejtësisë shqiptare që t’u qëndrojë larg urdhrave të një kryeministri dhe një qeverie që janë nën akuzë nga qytetarët. Drjetësia të kryejë deri në fund çdo veprim ligjor që determinon zbardhjen e plotë të ngjarjes. Çdo vonesë u shërben vetëm nxitësve dhe kjo do pasonte pasoja të tjera të rënda. Agjencitë ligjzbatuese të bëjnë transparencë të plotë të ngjarjes. Çdo vonesë do përbënte një inkriminim tepër të rëndë të tyre. Të gjithë shqiptarët, e gjithë opozita janë sot më të palëkundur se një ditë më parë për t’u përballur me Edi Ramën, shkaktarin e tensioneve”, është shprehur më tej ai./CNA.al





Lajmet e fundit nga