E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

U tërhoq me dinjtet nga gara/ Alimehmeti: Anëtarësia shprehu vullnetin e saj, më takon ta respektoj

7 Dhjetor 2022, 20:36, Politikë CNA

U tërhoq me dinjtet nga gara/ Alimehmeti: Anëtarësia shprehu

Ilir Alimehmeti

Belind Këlliçi dhe Ilir Alimehmeti ishin dy prej kandidatëve më të fortë të garës së Primareve në PD.

Këlliçi u rendit i pari në garë me një numër prej 4040 votash, ndërsa ndiqej nga Alimehmeti me një numër prej 2196 votash.

Megjithëse diferenca ishte e qartë, gara kaloi në balotazh mes dyshes.

Një ditë pas rezultatit, Alimehmeti vendosi që të tërhiqej nga gara me dinjitet duke bërë kështu që Belind Këlliçi të jetë kandidati zyrtar i PD-së, për bashkinë e Tiranës, që do të jetë përballë kryebashkiakut Erion Veliaj në zgjedhjet e 14 Majit.

Alimehemti përmes një mesazhi në rrjetet sociale, ka falenderuar të gjithë anëtarët dhe simpatizantët e PD që e votuan.

Mjeku shkruan se anëtarësia dha vullnetin e saj me votë dhe i takon atij që ta lexojë dhe respektojë vullnetin e saj.

"2.196 herë faleminderit miqtë e mi!

Falenderim i sinqertë për të gjithë ata djem e vajza të pastër që më ndihmuan me zemër 24 orë në ditë gjatë fushatës vetëm në funksion të interesit publik dhe pa asnjë interes personal! Ju qofsha falë!

Në respekt të vullnetit të anëtarësisë.

Kam synuar në këtë garë të jem i pohuar nga anëtarësia e Partisë Demokratike dhe jo t'i imponohem kësaj të fundit përmes votës së simpatizantëve. Kushdo që ka ndjekur nga afër procesin mund ta pohojë këtë fakt.

Të dielën anëtarësia shprehu qartë vullnetin e saj përmes votës dhe në këtë vullnet lexohet qartë, që anëtarësia e Partisë Demokratike dëshiron të përfaqësohet në zgjedhjet vendore përmes kandidaturës së z. Belind Këlliçit. Diferenca e votave e tregon dukshëm këtë.

Gjej rastin t'i uroj suksese z. Belind Këlliçit në përballjen e tij me kryebashkiakun aktual në zgjedhjet vendore.

Në përputhje të plotë me zotimin tim fillestar, do të jem krah çdo njeriu në përballjen për bashkinë më të madhe në vend dhe i gatshëm për të dhënë kontributin tim kurdo dhe kudo.

Shpreh mirënjohjen më të thellë për këdo që më besoi dhe më mbështeti, sikundër besoj fort se akti i parë i qytetarisë është të lexosh të vërtetën si duhet.

Anëtarësia e Partisë Demokratike shprehu vullnetin e saj dhe mua më takon ta lexoj siç duhet dhe ta respektoj këtë vullnet.

Me urimin më të mirë për ju dhe familjet tuaja,

Miqësisht

Ilir Alimehmeti", shkruan Alimehmeti./ CNA.al