web counter
LEXO PA REKLAMA!

SHKARKO APP

App Store
Google Play

“Kujtoni spitalet e rrumpallës”/ Rama: Tek Onkologjiku ishte një "tumor" i rëndë

4 Shkurt 2025, 09:25, Politikë CNA
“Kujtoni spitalet e rrumpallës”/ Rama: Tek Onkologjiku ishte
Kryeministri Edi Rama

Kryeministri Edi Rama u është përgjigjur komenteve dhe pyetjeve në rrjetet sociale kryesisht mbi qeverisjen e tij, shëndetësinë, legalizimet, largimin e shqiptarëve nga vendi, ekonominë etj.

Sa u përket legalizimeve, kryeministri tha se procesi vazhdon.

“Unë jam shumë i lumtur të kthej përgjigje për këto gjëra, nuk kam arsye për t'u shmangur. Për legalizimet qindra mijëra familje sot janë pronarë me tapi të ndërtimit të bërë me shumë sakrifica kohë më parë. Nuk janë të gjithë të legalizuar. Procesi vazhdon. Ka disa kërkesa procesi”, tha Rama.

Për shëndetësinë Kryeministri tha se ka pësuar transformim rrënjësor. Ai i është drejtuar komentuesit duke i thënë se kujton spitalet e rrumpallës dhe i bien së njëjtës daulle, por ndryshimi i bërë në këtë sektor është i dukshëm.

Po ashtu përmendi skandalin me mjekët tek Onkologjiku ku u shpreh se ishte një 'tumor' i rëndë, por që tani do të ketë një transformim rrënjësor, pasi Shqipëria ka një marrëveshje me një ndër 10 spitalet më të mira të botës.

“Për shëndetësinë mjafton të shkosh në QSUT apo dhe në spitale tjera nga Shkodra, në Vlorë, Elbasan, Fier, Durrës dhe të shikosh se çfarë transformimi rrënjësor është bërë.

Vazhdoni të kujtoni spitalet e rrumpallës dhe i bini së njëjtës daulle ndërsa ndryshimi është i dukshëm.

Kjo nuk do të thotë që nuk ka probleme dhe gjëra për të rregulluar. Kjo nuk do të thotë që nuk ka raste të korrupsionit.

Lajmi i mirës është që tek Onkologjiku ku u shfaq një 'tumor' i rëndë ne tani kemi një partneritet me një ndër 10 spitalet më të mira të botës.

Kemi nisur në Onkologjik një proces total transformimi në çdo aspekt”, përfundoi Rama./ CNA





Lajmet e fundit nga