web counter
LEXO PA REKLAMA!

SHKARKO APP

App Store
Google Play

Kreu i degës së PD-së në Vlorë me tone të ashpra: FRPD nuk blihet, e as nuk shantazhohet

23 Mars 2025, 13:24, Politikë CNA

Kreu i degës së PD-së në Vlorë me tone të ashpra:

Kreu i PD-së dega Vlorë, Atird Hoxha ka reaguar në lidhje me deklaratat e kryeministrit Edi Rama për të rinjtë e FRPD-së.

Hoxha thekson se FRPD nuk blihet dhe nuk shantazhohet. Sipas tij ajo që bëri Rama në Vlorë me gjoja të rinjtë e FRPD është thjesht një farsë e neveritshme.

“Panik, mashtrime dhe pengje të blera: FRPD nuk blihet, nuk shantazhohet!

I braktisur edhe nga të tijtë, pasi mbushi listën e Vlorës me kandidatë të padëshiruar, ka nisur të sajojë takime me gjoja të rinj të Forumit Rinor të PD. Një farsë e neveritshme!Këta në video? Rilindas, që vetë ose prindërit e tyre kanë vjedhur Vlorën për 12 vjet.

Mes tyre, një e marrë peng që dikur ka qenë në FRPD.Ai që bleu Lulin, nuk e ka për gjë të blejë edhe një “Lule” këtu.Por e vërteta është një: FRPD nuk blihet! FRPD nuk shantazhohet!

Një nga strukturat më të forta të Partisë Demokratike, që duket se po i prish gjumin “liderit global”, i përbuz pengjet dhe mercenarët e Ramës. FRPD do ta kesh përballë!

Mos guxo të mendosh se me shantazhe, provokime dhe lojëra të pista politike do të intimidosh demokratët e Vlorës dhe të Shqipërisë!

Ne nuk kemi dyshime, ky vepron në panik të plotë! Sepse e di që demokratët e Vlorës janë të bashkuar dhe të vendosur. Ata nuk kanë lidhje me individët që sot reklamohen si pjesë e Forumit, ndërkohë që vetë, apo familjarët e tyre, kanë qenë të punësuar prej kohësh në qeverinë e kllounit politik. Dhe pikërisht kjo ishte arsyeja e shkëputjes së tyre prej vitesh nga FRPD!

Klloun, merru me kandidatët e tu! Ata tashmë kanë filluar të ngrenë dorën kundër njëri-tjetrit. Dhe prit çfarë do të dëgjojnë veshët e vlonjatëve për ata që u ke servirur me këtë listë!

Ne, demokratët, do të marshojmë të sigurt drejt fitores më 11 maj!

Ndërsa për ty dhe ata që të rrethojnë, dihet fundi”, shkruan Hoxha./ CNA





Lajmet e fundit nga