web counter
LEXO PA REKLAMA!

SHKARKO APP

App Store
Google Play

Xhaferri i kundërpërgjigjet Ramës: Ata të rinjtë ishin petale trëndafili, po aktronin si pjesëtarë të FRPD-së

23 Mars 2025, 12:32, Politikë CNA
Xhaferri i kundërpërgjigjet Ramës: Ata të rinjtë ishin
Kreu i FRPD-së Besart Xhaferri

Kreu i FRPD-së Besart Xhaferri i është kundërpërgjigjur kryeministrit Edi Rama i cili deklaroi se kishte zhvilluar një takim me pjesëtarë të FRPD.

Xhaferri thekson se në takim ishin dy ish-pjesëtarë të FRPD-së në kohën e Bashës, dhe 98 të tjerët ishin petale trendafili që për hatër të propagandës po aktronin si pjesëtarë të FRPD.

“Zoti Rama kur të jesh në Vlorë jep shpjegime për 22 të rinjtë e zhdukur në det në 3 vite që u bënë “Kurban” i Kanabizimit!

Edi Rama nga Vlora ku kishte zhvilluar një takim me 2 ish pjestarë të FRPD që janë larguar prej më shumë se 1 viti dhe për interesa personale kanë kaluar me Rilindjen si një pjesë e fraksionit Basha, pretendoi se pjesë e këtij takimi ishin edhe 98 të rinj të tjerë po të FRPD.

Në fakt ata 98 të tjerët ishin petale trendafili, që për hatër të propagandës para kamerave  të ERTV po aktronin si pjestarë të FRPD, teksa atë ditë kur u regjistrua takimi yt në Vlorë aktivistët e vërtetë të FRPD ishin duke protestuar para Burgut të Durrësit që është kthyer në selinë e re re të PS.

Modeli yt i të rinjve në politikë janë Veliaj që të erdhi nga G99, Bllako e Sajmir Tahiri, të cilët i bëre kurban të korrupsionit tënd.

Por kur të shkosh në Vlorë e të flasësh për të rinjtë, duhet t'u japësh shpjegime vlonjatëve për 22 të rinj nga Vlora që u zhdukën në det përgjatë viteve 2016-2019 se nënat e tyre çdo ditë apelojnë në media të përlotura për gjetjen e trupave.

Ata djem të rinj ishin Kurban të projektit tënd të kanabizimit të vendit, që përgjaku Shqipërinë dhe i ekspozoi familjet shqiptare përballë mjerimit.

Projekti yt për të mbushur Shqipërinë me drogë e përgjaku Vlorën e mbarë Shqipërinë, ashtu siç projekti yt i pastrimit të parave në ndërtim po e bën “mollë të ndaluar” blerjen e një shtëpie për të rinjtë shqiptarë, që detyrohen të marrin rrugën e mërgimit.

Edi Rama dhe Hipokrizia janë si shtati e hija, pasi ky që u qan hallin të rinjve të FRPD ka bërë që nën qeverisjen e tij në shkollat dhe universitetet tona të kemi plot 254 mijë nxënës e studentë më pak në vetëm 10 vite.

Kur ti flet për të rinjtë mua më kujtohet shishja jote e verës 33 mijë euro që pi me pamje nga kopshti i Edenit, teksa të rinjtë e këtij vendi pasi kalonin natën në çadra në Francë paguanin nga 33 mijë euro për kaluar me gomone La Manshin.

Të rinjtë e FRPD dhe të rinjtë shqiptare pas 11 Majit do shkruajnë epitafin mbi varrin tënd politik!”, shkruan Xhaferri./ CNA





Lajmet e fundit nga