E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

“Më ka marrë malli të ma këndosh himnin aty poshtë”/ Rama vijon talljet me Luli Bashën

22 Mars 2025, 18:08, Politikë CNA

“Më ka marrë malli të ma këndosh himnin aty

“Dashuria” Rama-Basha vijon dhe telenovela e kryeministrit “Zgjimi i Lulit” ka arritur në episodin e pestë. Në videon e publikuar në rrjetet sociale, Rama tallet sërish me Luli Bashën dhe thotë se garon në listën e mbyllur nga frika që i ka ngjallur zgjimi i Lulit.

Kryeministri i kujton Luli kohët e çadrës, periudhën ku përveç politikës Basha bënte dhe rolin e tenorit duke kënduar Himbin Kombëtar. Rama në video i thotë Bashës se e ka marrë malli për kohët kur ky i fundit këndonte poshtë Kryeministrisë.

“E ndjeu Lul, bufi plak atë që ndjeva unë kur u futa me vrap aty te lista e mbyllur. Sa e pashë që u zgjove, pu pu ça stresi. Ik thashë, ik mbyllu në listë, ul qepenin se të shkatërroi prapë Lul cunami, si më shkatërrove në 2015, 2017, 2019, 2021. E ça m’ke bërë, ça m’ke bërë. Po që më ka marrë malli mo burrë të ma këndosh pak himnin aty poshtë. Unë të dal në fushë? Mos mor burrë. Tani që dole ti me Hysen Gjurën e me Pëllumb Seferin, jo mor vëlla. Le të merret bufi me ty tani se e mori lehtë këtë punë. Po kam frikë se është vonë. U ngrit era euroatlantike dhe po shkunden puplat te këneta.

Më keni bërë si dashnore kolektive kur thoshte Bert Çamçakizi. E mban mend Bertin a jo? Ju mbyti xhelozia, ju mbyti. Ti thua jam i doktor bufit, bufi thotë jam i Lul bravës. Ore nuk e di. Po ai Gaz ballokumja i kujt është mor Lul? Se më pate çmendur e mban mend apo jo? Gazi është i imi, Gazi është i imi, s’ka si Gazi im. E mor artist, kur të të kuptojë ty këneta do jetë tha komplet. Po ti mos e ndaj mendjen e lehtë dhe ec aty, jepi gaz. Në fund fare, mos harro numrin 5 bashkë me Hysenin dhe Pëllumbin”, thotë Rama në video./ CNA